وقيعا • 25 ناۋرىز، 2020

رۋدنىيدا پوليتسەيلەر مۇمكىندىگى شەكتەۋلى جاندى ورتتەن امان الىپ قالدى

31 رەتكورسەتىلدى

پوليتسيا باسقارماسىنىڭ مالىمەتىنشە، 22 ناۋرىز كۇنى رۋدنىي قالاسىنداعى كوپ قاباتتى تۇرعىن ءۇيدىڭ بىرىنەن ءورت شىعىپ، وزدىگىنەن جۇرە المايتىن مۇمكىندىگى شەكتەۋلى زەينەتكەر قىزىل جالىنعا ورانعان پاتەر ىشىندە قالادى.  وقيعا ورنىنا ءورت سوندىرۋشىلەردەن بۇرىن جەتكەن پاترۋلدىك پوليتسيا ينسپەكتورى ماقسۇت دوسىباەۆ پەن كىشى سەرجانت تولەگەن قاستاەۆ دەرەۋ قويۋ ءتۇتىن تۇمشالاعان بەسىنشى قاباتقا كوتەرىلىپ، جالىن قۇرساۋىندا قالعان زاعيپتى ء دىن امان سىرتقا الىپ شىعادى.

- ءبىز جەتكەندە باسپالداق الاڭىندا تۇرعىندار جيىلىپ قالىپتى. ءورت سوندىرۋشىلەردى كۇتىپ تۇراتىن ۋاقىت جوق. كومەككە شاقىرعان داۋىستى ەستىپ، اۋزىمىزعا دىمقىل شۇبەرەك بايلاپ الىپ، دەرەۋ جانىپ جاتقان پاتەردىڭ ىشىنە ەندىك. قويۋ ءتۇتىن تۇك كورسەتپەيدى، ايتەۋىر قابىرعانى سيپاي ءجۇرىپ داۋىس شىققان جاققا جىلجىدىق، - دەدى پوليتسيا اعا سەرجانتى ماقسۇت دوسىباەۆ.

زەينەتكەردى ءورت قۇشاعىنان سىرتقا الىپ شىققان پوليتسەيلەر زاعيپتىڭ وتىنۋىمەن ءورت شىققان پاتەرگە ەكىنشى رەت كىرىپ، مۇگەدەك ارباسىن الىپ شىعادى. 

ارنايى قىزمەت كەلىسىمەن، ءورت  ءسوندىرىلىپ، وقيعانىڭ سەبەبى انىقتالدى. ءورتتىڭ شىعۋىنا ەلەكتر سىمىنىڭ تۇتانۋى سەبەپ بولعان.

 

قوستاناي وبلىسى

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار