الەم • 25 ناۋرىز، 2020

اقش-تا ۆيرۋس جۇقتىرعاندار 53 مىڭعا جەتتى

25 رەتكورسەتىلدى

اقش-تا كوروناۆيرۋس جۇقتىرعانداردىڭ سانى 52 مىڭنان اسىپ كەتتى. ناقتى ايتار بولساق، بۇگىن  52 983 ادامنىڭ تىركەلگەنى ءمالىم بولدى. ىندەتتەن 685 كىسى كوز جۇمدى. ال دەرتتەن ايىققاندار – 370.

پاندەميا باستالعالى جۇرگىزىلىپ جاتقان مونيتورينگ ناتيجەسى ناۋقاستاردىڭ كوبى نيۋ-يوركتەن تابىلعانىن كورسەتتى. ول جاقتا 25 665 ادام تىركەلگەن. نيۋ-دجەرسي شتاتىندا 3675، كاليفورنيادا 2 494، ۆاشينگتوندا 2  221، ميچيگاندا 1 791، فلوريدادا 1 412 ناۋقاس تىركەلگەن.

شىعىس ۆيردجينيا مەملەكەتتەگى ەڭ قاۋىپسىز شتات رەتىندە سانالىپ وتىر. ول جاقتا 20 ادام ۆيرۋس جۇقتىرعان. اقش-تىڭ باس حيرۋرگى دجەروم ادامس جاقىن كۇندەرى مەملەكەتتە ناۋقاستاردىڭ سانى كۇرت وسەتىنىن ەسكەرتكەن ەدى. «امەريكا حالقى بۇنىڭ قاۋىپتى ەكەنىن تۇسىنگەنىن قالايمىن. وسى اپتا ءبىز ءۇشىن اۋىر بولماق»، دەدى ول NBC News كانالىنا بەرگەن سۇحباتىندا. ىندەتتىڭ تەز تارالۋىنا حالىقتىڭ، اسىرەسە جاستاردىڭ قاۋىپتى تولىق تۇسىنبەي ءبىر شتاتتان ەكىنشى شتاتقا ساياحاتتاۋىندا، كارانتين رەجيمىن ۇستانباۋدا دەيدى.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار