ۇلتتىق بانكتىڭ حابارلاۋىنشا, ەلدە تج ەنگىزىلۋىنە بايلانىستى جۇمىسىنان ايىرىلعان كليەنتتەرگە نەگىزگى قارىزدى تولەۋدى كەيىنگە شەگەرۋگە 90 كۇن مۇرسات بەرىلدى. وسى ۋاقىتتا ولارعا ايىپپۇل جانە ءوسىم سانالمايدى.
«بانكتەرگە ءار ماسەلەنى جەكە شەشۋ ءۇشىن بارلىق شارانى قابىلداۋ كەرەك بولىپ تۇر. تج كەزىندە قيىن جاعدايدا قالعان كليەنتتەر ءۇشىن تولەم تەتىگى وزگەرەدى. بۇل وزگەرىستەردىڭ بارلىعى نەسيە الۋشىنىڭ نەسيە تاريحىنا ەنگىزىلمەيتىن بولادى» دەدى ۇلتتىق بانكتەن.
نەسيە الۋشىلار ءۇشىن بۇل ۋاقىت 16 ناۋرىزدان, ياعني تج ەنگىزىلگەن كۇننەن باستاپ سانالادى.
