Reuters مالىمەتتەرى اقش-تا كورونارۆيرۋستان كوز جۇمعاندار سانى 560-تان اسىپ, جۇقتىرعاندار سانىنىڭ ەلۋ مىڭعا جۋىقتاپ قالعانىن راستايدى. قازىرگى كەزدە اقش قىتاي مەن يتاليادان كەيىنگى ورىندا تۇر. ۆيرۋس ورشىگەن اۋماقتار رەتىندە ۆاشينگتون, كاليفورنيا جانە نيۋ-يوركتا كارانتين جاريالانعان.
اقش پرەزيدەنتى اق ۇيدە وتكەن بريفينگتە كوروناۆيرۋستىڭ ەل ەكونوميكاسىنا اسەرىنە قاراماستان, ءبىرىنشى كەزەكتە دەنساۋلىق ساقتاۋ ورگاندارىنىڭ ايتقانىنا قۇلاق ءتۇرىپ, ساقتىق شارالارىنىڭ ەكونوميكاعا كەرى اسەرىنە دە نازار اۋدارمايتىندىعىن جەتكىزدى. قازىرگى كەزدە اسكەريلەر بارلىق اۋدانداردى باقىلاۋعا الىپ, جۇرتشىلىقتىڭ كوشەگە شىقپاۋىن قاداعالاۋدا. دەگەنمەن بىرقاتار رەسمي وكىلدەر فەدەرالدى ۇكىمەتتىڭ بىرلەسكەن ءىس-قيمىلىن سىنعا الىپ, جەرگىلىكتى ءوزىن-ءوزى باسقارۋ ارەكەتتەرىنىڭ تاسىمالداۋ بارىسىندا باسەكەلەستىك تۋعىزعانىن ايتقان بولاتىن. الايدا ترامپ الەمدە ماسكا جانە جاساندى تىنىستاندىرۋ اپپاراتتارى نارىعىنداعى جاعدايدىڭ ۋشىعىپ تۇرعانىنا قاراماستان, شتاتتى قاجەتتى قۇرالدارمەن قامتاماسىز ەتۋگە تىرىسۋدامىز, دەپ اتاپ ءوتتى.
الماتى
