دزيۋدو. كەشە برازيليانىڭ ريو-دە-جانەيرو قالاسىندا دزيۋدودان كەزەكتى الەم چەمپيوناتى باستالدى. وعان 124 ەلدىڭ وكىلدەرى قاتىسۋدا.
ءبىزدىڭ ەلىمىزدەن بۇل سىنعا ەرلەر اراسىندا اسحات تەلمانوۆ, ەلدوس ىسمەتوۆ (60 كگ), ازامات مۇقانوۆ, سەرگەي ليم (66 كگ), داستان ۇكىباەۆ (73 كگ), داۋلەتحان جاقىپوۆ (81كگ), يسلام بوزباەۆ (90 كگ), ماكسيم راكوۆ (100 كگ-گە دەيىن), ەرجان شىنكەەۆ (100 كگ-دەن جوعارى), ايەلدەر اراسىندا ايگۇل بايقۇلوۆا, الەكساندرا پودريادوۆا (48 كگ), لەناريا مەنعازوۆا (52 كگ), انار سەيتىموۆا (78 كگ-گە دەيىن), گۇلجان يسانوۆا (78 كگ-دەن جوعارى) كۇش سىناسادى.
دزيۋدو. كەشە برازيليانىڭ ريو-دە-جانەيرو قالاسىندا دزيۋدودان كەزەكتى الەم چەمپيوناتى باستالدى. وعان 124 ەلدىڭ وكىلدەرى قاتىسۋدا.
ءبىزدىڭ ەلىمىزدەن بۇل سىنعا ەرلەر اراسىندا اسحات تەلمانوۆ, ەلدوس ىسمەتوۆ (60 كگ), ازامات مۇقانوۆ, سەرگەي ليم (66 كگ), داستان ۇكىباەۆ (73 كگ), داۋلەتحان جاقىپوۆ (81كگ), يسلام بوزباەۆ (90 كگ), ماكسيم راكوۆ (100 كگ-گە دەيىن), ەرجان شىنكەەۆ (100 كگ-دەن جوعارى), ايەلدەر اراسىندا ايگۇل بايقۇلوۆا, الەكساندرا پودريادوۆا (48 كگ), لەناريا مەنعازوۆا (52 كگ), انار سەيتىموۆا (78 كگ-گە دەيىن), گۇلجان يسانوۆا (78 كگ-دەن جوعارى) كۇش سىناسادى.
فۋتبول. جەكسەنبى كۇنى قازاقستان پرەمەر-ليگاسىنىڭ 24-تۋر ويىندارى ءوتتى. «استانا» ءوز الاڭىندا شىمكەنتتىڭ «ورداباسى» كلۋبىن قابىلداپ, 3:1 ەسەبىمەن جەڭىسكە جەتتى. «شاحتەر» مەن «ەرتىس» 1:1, ال «اقجايىق» پەن «ۆوستوك» 2:2 ەسەپتەرىمەن تەڭ وينادى. «تاراز» سىرت الاڭدا «جەتىسۋدى» 2:0 ەسەبىمەن ۇتتى. قوستانايدىڭ «توبىل» كومانداسى «اتىراۋدان» 3:1 ەسەبىمەن باسىم ءتۇستى.
كۇرەس. سەربيادا ءوتىپ جاتقان كادەتتەر (جاستار) اراسىنداعى الەم چەمپيوناتىندا ەكى بىردەي بالۋانىمىز التىن مەدال الدى. ايەلدەر كۇرەسىنەن 43 كيلودا سىنعا تۇسكەن ەلۆيرا ابىلقايىروۆا مەن 40 كيلوعا دەيىنگى سالماق دارەجەسىندە بەلدەسكەن سۆەتلانا انكيچەۆا الەم چەمپيونى اتاندى. ەلۆيرا فينالدا بولگار قىزى ميگلەن ساليشكادان, سۆەتلانا امەريكالىق رەگينا دويدان باسىم ءتۇستى. سونىمەن بىرگە, 56 كيلودا ءمادينا باقبەرگەنوۆا مەن ونىڭ 65 كيلوداعى تاتەسى ءجاميلا باقبەرگەنوۆا قولا جۇلدەگە يە بولدى. وسىنىڭ الدىندا گرەك-ريم كۇرەسىنەن تەمىرلان شادۋكاەۆ ءۇشىنشى ورىن العان بولاتىن.
ۆولەيبول. كەشە الماتىدا ەرلەر اراسىنداعى قازاقستان رەسپۋبليكاسى پرەزيدەنتىنىڭ كۋبوگى جولىنداعى حالىقارالىق تۋرنير باستالدى. 31 تامىزعا دەيىن وتەتىن تۋرنيرگە الەمنىڭ 8 ەلىنىڭ كومانداسى قاتىسادى. سونىڭ ىشىندە بەسەۋى ۇلتتىق قۇرامالار بولسا, ەكەۋى جاستار قۇراماسى دا, بىرەۋى – ءبىزدىڭ ەلدىڭ ەكىنشى قۇراماسى. ولار ەكى توپقا تەڭ بولىنگەن.
«ەگەمەن-اقپارات».
