قارجى • 25 ناۋرىز، 2020

ساۋدا وپەراتسيالارىن تىركەۋدىڭ شەكتى مولشەرى انىقتالدى

26 رەتكورسەتىلدى

ۇلتتىق بانك زاڭدى تۇلعالار ءۇشىن قازاقستاندا قولما-قول اقشاسىز شەتەل ۆاليۋتاسىن ساتىپ الۋدىڭ جاڭا ەرەجەلەرىن ەنگىزدى دەپ حابارلايدى ۇلتتىق بانكتىڭ ءباسپاسوز قىزمەتى. 

 

«زاڭدى تۇلعالارعا قاتىستى سىرتقى ساۋدا وپەراتسيالارىن تىركەۋدىڭ شەكتى مولشەرىن انىقتاۋ ءۇشىن جانە بالاماسى 50 مىڭ اقش دوللارىنا تەڭ نەمەسە ودان اساتىن قولما-قول ەمەس شەتەل ۆاليۋتاسىن ساتىپ الۋ كەزىندە راستايتىن قۇجاتتاردى ۇسىنۋدىڭ بىرىڭعاي ءتاسىلى قۇرىلدى. زاڭدى تۇلعالاردىڭ قازاقستاننىڭ ىشكى ۆاليۋتا نارىعىندا قولما-قول ەمەس شەتەل ۆاليۋتاسىن ساتىپ الۋ ءتارتىبى ناقتىلاندى» دەپ حابارلادى ۇلتتىق بانكتەن.

ۇلتتىق بانكتىڭ جاڭا ەرەجەسى بويىنشا  ساتىپ الىنعان شەتەل ۆاليۋتاسى 10 جۇمىس كۇنى ىشىندە كورسەتىلگەن ماقساتتا پايدالانىلۋى كەرەك، ال ەگەر ول پايدالانىلماسا، ول قايتا ساتىلۋى كەرەك.

«قاۋلىعا ەنگىزىلگەن تۇزەتۋلەر جەكە تۇلعالاردىڭ شەتەل ۆاليۋتاسىمەن وپەراتسيالارىن جۇرگىزۋ تارتىبىنە اسەر ەتپەيدى. تۇتاستاي قابىلدانعان شارالار قولما-قول ەمەس شەتەل ۆاليۋتاسىنا نەگىزسىز الىپساتارلىق سۇرانىستى شەكتەۋگە، سونىمەن قاتار ازاماتتاردىڭ قۇقىقتارى مەن زاڭدى مۇددەلەرىن، قوعام مەن مەملەكەتتىڭ مۇددەلەرىن قورعاۋعا باعىتتالعان» دەپ تولىقتىردى ۇلتتىق بانك.

«قاۋلىمەن ەنگىزىلگەن تۇزەتۋلەر جەكە تۇلعالاردىڭ ۆاليۋتالىق وپەراتسيالارىن جۇرگىزۋ تارتىبىنە اسەر ەتپەيدى. كەشەندە قابىلدانعان شارالار قولما-قول ەمەس شەتەل ۆاليۋتاسىنا نەگىزسىز الىپساتارلىق سۇرانىستى شەكتەۋگە، سونداي-اق ازاماتتاردىڭ قۇقىقتارى مەن زاڭدى مۇددەلەرىن، قوعام مەن مەملەكەتتىڭ مۇددەلەرىن قورعاۋعا باعىتتالعان» دەپ تولىقتىردى ۇلتتىق بانك.

ەستەرىڭىزگە سالا كەتەيىك، ۇلتتىق بانك ۆاليۋتا ايىرباستاۋ پۋنكتتەرى ءۇشىن 1 دوللار مەن 7 تەڭگەنى - 1 ەۋرونى ساتىپ الۋ كەزىندە 6 تەڭگە دەڭگەيىندە اۋىتقۋدى ورناتىپ، شەكتەۋ ەنگىزدى.

 

 

سوڭعى جاڭالىقتار

مارقاكولدە كۇزەت كۇشەيتىلدى

ايماقتار • بۇگىن، 10:41

ۇقساس جاڭالىقتار