- توتەنشە جاعداي ءتارتىبىن بۇزعان كاسىپكەرلەردى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 425, 430, 476, 478 باپتارى جانە 462 باپتىڭ 3 تارماعى بويىنشا جاۋاپكەرشىلىككە تارتۋعا بولادى, بۇل تىزبە تۇپكىلىكتى ەمەس, - دەيدى باتىس قازاقستان وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى بولاتبەك بەلگىبەكوۆ.
بۇگىنگە دەيىن جاۋاپكەرشىلىككە تارتىلعان 13 جەكە كاسىپكەردىڭ بارىنە دە 476 باپ – «توتەنشە جاعداي رەجيمiن بۇزۋ» ايىبى تاعىلعان. ولاردىڭ ۇشەۋىنە ايىپپۇل سالىنسا, 8-ءى قاماۋعا الىنعان. تاعى ەكى كاسىپكەردىڭ ءىسى سوتتا قارالىپ جاتىر.
ايتا كەتەيىك, توتەنشە جاعداي رەجيمىنە بايلانىستى كوپشىلىك ورىندار, كافە-مەيرامحانالار تۇنگى 22.00. ساعاتتان كەيىن قىزمەت كورسەتۋىن توقتاتۋى ءتيىس. بۇل تالاپتىڭ ساقتالۋىن قۇقىق قورعاۋ قىزمەتكەرلەرىمەن قاتار ەرىكتىلەر دە ارنايى رەيدتەرگە شىعىپ باقىلاۋدا.
باتىس قازاقستان
