ولاردىڭ كوبەيۋىنە تارتىپكە قۇلاق اسپايتىن ويىن-ساۋىق ورتالىقتارى مەن ءدامحانالار دا سەبەپ بولىپ وتىر. مىسالى, وبلىستا ءدال مەرەكە كۇنى ۋاقىت ءتۇن ورتاسىنا دەيىن جۇمىسىن توقتاتپاعان 10 ساۋىقحانا انىقتالىپ, قوجايىندارى اكىمشىلىك جاۋاپكەرشىلىككە تارتىلعان. ءار وڭىردە ارەگىدىك بوي كورسەتىپ قالىپ جاتقان مۇنداي كەلەڭسىزدىككە مەملەكەت باسشىسى قاسىم-جومارت توقاەۆ تا الاڭداۋشىلىق ءبىلدىرءىپ وتىر. سودان كەيىن وبلىستا قوعامدىق تارتىپكە باقىلاۋ كۇيشەيە ءتۇسىپ, پوليتسەيلەرگە ەرىكتىلەردەن جاساقتالعان ۇيىمدار كومەككە كەلە باستادى.
ماسەلەن, كەشەدەن بەرى «دوس» ەرىكتىلەر ۇيىمى مەن قوستاناي قالالىق پوليتسيا باسقارماسىنىڭ قىزمەتكەرلەرى بىرلەسىپ, قوعامدىق نىسانداردى باقىلاۋ شارالارىن جۇزەگە اسىرا باستادى. ء ار رەيدكە 30 پوليتسەي, 10 ەرىكتى قاتىسادى. ماقسات - شەكتەۋ رەجىمىن بۇزۋشىلاردى انىقتاپ, كىنالى تۇلعالاردى اكىمشىلىك جاۋاپقا تارتۋ. سونداي-اق, قالا تۇرعىندارىنا تج رەجىمى مەن جەكە باس تازالىعىن ساقتاۋ جونىندە ەسكەرتپە قاعازدار تاراتىپ, قاتەردىڭ الدىن الۋعا ۇندەۋ.
بىرلەسكەن رەيد جاساقتارى كەشە وبلىس ورتالىعىندا توتەنشە جاعداي ءتارتىبىن بۇزعان تاعى 4 كافەنى انىقتادى. جەرگىلىكتى پوليتسيا قىزمەتىنىڭ مالىمەتىنشە, ء دامحانا يەلەرىنە اكىمشىلىك حاتتاما تولتىرىلىپ, قوستاناي قالاسىنداعى مامانداندىرىلعان سوتتىڭ قاراۋىنا جىبەرىلگەن.
قوستاناي
