تاياۋدا ايماق باسشىسى وبلىستاعى مەديتسينالىق ساقتاندىرۋ شارالارىنا 2,1 ملرد تەڭگە بولىنگەنىن حابارلاپ, مەديتسينالىق ماسكا ساتىپ الۋعا قوماقتى قارجى جۇمسالاتىنىن ايتقان. الايدا وبلىس ورتالىعىنداعى ءدارىحانالاردا ماسكا جوق. كەيبىرەۋىنە 1 ايدان بەرى تۇسپەگەن. ەڭ باستىسى, سوڭعى كۇندەرى اپتەكالارعا ماسكا ءتۇسۋ توقتاپ قالىپ وتىر.
وسىدان بءىر جەتى بۇرىن «بولشەۆيچكا» تىگىن فابريكاسىنىڭ مەدماسكا شىعارۋعا كىرىسكەنىن حابارلاعان ەدىك. رەسمي ورىنداردىڭ مالىمەتىنشە, فابريكا كۇنىنە 10 مىڭ ماسكا تىگەدى. بىراق سونىڭ نەبارى 500-ءى عانا قوستاناي ءدارىحانالارىنا تۇسەدى. قالعانى تاپسىرىس بەرگەن ۇيىمدارعا جونەلتىلەدى. قالاي دەسەك تە جەرگىلىكتى كاسىپورىن حالىقسۇرانىسىن تولىق وتەي الماي وتىر. ماسەلەنىڭ انىق-قانىعىن بىلمەك بولىپ, دەنساۋلىق ساقتاۋ دەپارتامەنتىنىڭ ءباسپاسوز قىزمەتىنە حابارلاسىپ ەدىك, «تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى بىلەدى» دەگەن جاۋاپ الدىق. ال اتالعان مەكەمە بۇل ماسەلە ءبىزدىڭ قۇزىرىمىزدا ەمەس, - دەدى.
بەيرەسمي دەرەكتەر بويىنشا, قازىر كەيبىر جەكە تىگىنشىلەر قولدان ماسكا تىگىپ ساتۋعا كوشكەن. ونىڭ قانشالىقتى قورعانىش بولاتىنىن ەشكىم بىلمەيدى.
قوستاناي
