كوروناۆيرۋس • 23 ناۋرىز، 2020

ۆيرۋس بالاعا دا قاۋىپتى

115 رەتكورسەتىلدى

كورونوۆيرۋسقا بايلانىستى ۇزدىكسىز زەرتتەۋ جۇرگىزىپ جاتقان عالىمدار بۇگىنگە دەيىن ۆيرۋس بالالار ءۇشىن ونشا قاۋىپتى ەمەس ەكەنىن، اۋرۋ كوبىنە جەڭىل تۇردە وتەتىنىن ايتقان بولاتىن. الايدا سوڭعى زەرتتەۋلەر بۇل بولجامدى جوققا شىعارىپ وتىر.

ۆيرۋس جۇقتىرعانداردى اۋرۋ دەڭگەيى مەن جاسىنا بايلانىستى ىرىكتەگەن عالىمدار بالالارعا دا ۆيرۋس  اۋىر تيگەن جاعدايلار از كەزدەسپەگەنىن ايتادى.

ماماندار كوروناۆيرۋس جۇقتىرعان جانە جۇقتىرۋى مۇمكىن دەگەن 2143 بالا تۋرالى مالىمەتتەردى ساراپقا سالعان. بۇل ماعلۇماتتار قىتايدىڭ اۋرۋدى انىقتاۋ جانە ونىڭ الدىن الۋ جونىندەگى ورتالىعىنان الىنعان ەكەن.

ساراپتامانىڭ قورىتىندىسى بويىنشا، ولاردىڭ تەك ۇشتەن ءبىر بولىگىندە، ياعني تەك 731 جەتكىنشەكتە ۆيرۋس بار ەكەنى دالەلدەنگەن. اۋىرعانداردىڭ جارتىسىندا ۆيرۋستىڭ جەڭىل بەلگىلەرى بايقالعان.  ال 39 پايىزىندا وكپەنىڭ قابىنۋى انىقتالعانىمەن ەنتىگۋ بولماعان. 

بىراق اۋرۋعا شالدىققان بالالاردىڭ 6 پايىزىندا، ياعني 125 بالادا سىرقات اۋىر جاعدايدا وتكەن، اعزالارىنىڭ جۇمىسى ناشارلاعان،  ءتىپتى ءبىر بالا اۋىر اسقىنۋدان كەيىن كوز جۇمعان.

دەگەنمەن دە ۆيرۋس كوبىنە ەرەسەكتەردى، سونىڭ ىشىندە ەگدە ادامداردى توڭىرەكتەيدى. بالالاردا اۋرۋ كوبىنە جەڭىل وتكەنىمەن اۋىر اسقىنۋلارعا اكەلگەن جاعدايلاردى دا جوققا شىعارۋعا بولمايدى. سوندىقتان ۇلكەندەر جەتكىنشەكتەرگە جەتە كوڭىل بولىپ، ولاردىڭ دا تازالىق ساقتاۋىن، قولدى ءجيى سابىنداپ جۋىن قاداعالاپ وتىرعان ءجون.

 

قىمبات توقتامۇرات

سوڭعى جاڭالىقتار

نۇكتە فيلوسوفياسى

رۋحانيات • بۇگىن، 20:23

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار