«توتەنشە جاعداي كەزىندە ايىپپۇلدار مەن ءوسىمپۇلداردى ەسەپتەۋگە قابىلدانعان تىيىم سالۋدان باسقا, حالىقتىڭ بارلىق قارىزدارى بويىنشا نەگىزگى بورىش پەن سىياقى سومالارىن تولەۋدى توقتاتا تۇرۋ كەرەك. بانكتەردەن تۇسىنىستىك پەن ازاماتتىق ىنتىماقتاستىقتى كۇتەمىن», دەدى قاسىم-جومارت توقاەۆ.
سونداي-اق ول بانكتىك ەمەس ۇيىمداردا ءتارتىپ ورناتۋ ماڭىزدىلىعىن اتاپ ءوتتى.
«قازىرگى جاعدايعا بايلانىستى كوپتەگەن ازاماتتار لومباردتارعا جۇگىنىپ, ونلاين كرەديتورلار مەن ميكروقارجى ۇيىمدارىنان كەپىلسىز نەسيە الۋى مۇمكىن. سوندىقتان وسى سەكتوردا ءتارتىپ ورناتۋ وتە ماڭىزدى. ازاماتتاردى الداۋ ورىن الماۋى قاجەت. قارجى نارىعىن رەتتەۋ مەن دامىتۋ جونىندەگى اگەنتتىككە, باس پروكۋراتۋراعا, اقپارات جانە قوعامدىق دامۋ مينيسترلىگىنە زاڭنامانىڭ ساقتالۋىن تەكسەرۋ جونىندە اۋقىمدى اكتسيا وتكىزۋدى جانە زاڭ بۇزۋشىلاردى كورسەتىپ, ونى باق پەن الەۋمەتتىك جەلىلەردە كەڭىنەن جاريا ەتۋدى تاپسىرامىن. قازاقستاندىقتار وسىناۋ قيىن جاعدايدا ولاردىڭ قۇقىقتارىن مەملەكەت قورعايتىنىن بىلۋلەرى قاجەت», دەدى مەملەكەت باسشىسى.
