«قازىرگى تاڭدا اقتوبە وبلىسىندا كوروناۆيرۋس ينفەكتسياسىنا بايلانىستى ەپيدەميولوگيالىق جاعداي تۇراقتى. بۇگىندە وبلىسىمىزدا ءبىر ناۋقاستا كوروناۆيرۋستىق ينفەكتسيا انىقتالدى. ول ناۋقاس 22 ناۋرىز كۇنى ماسكەۋدەن ۇشىپ كەلگەن. ناۋقاستى بىردەن ينفەكتسيالىق اۋرۋحاناعا وقشاۋلاعان ەدىك. زەرتحانالىق تەكسەرۋ بارسىندا تۇرعىنىمىزدان كوروناۆيرۋس ينفەكتسياسى انىقتالدى. قازىرگى ۋاقىتتا ناۋقاستىڭ جاعدايى تۇراقتى. قاجەتتى ەمدىك ءىس-شارالار جۇرگىزىلىپ جاتىر. وسى ناۋقاسپەن بايلانىستا بولعان بارلىق تۇرعىنداردى وقشاۋلاۋ جۇمىسىن اياقتادىق», - دەدى اسەت قاليەۆ.
ونىڭ دەرەگىنشە, اقتوبە وبلىسىندا ستاتسيونارلىق كارانتيندە 68, ءۇي كارانتينىندە 38 تۇرعىن جاتىر. ولاردىڭ بارلىعىنىڭ جاعدايىن دارىگەرلەر كۇندەلىكتى باقىلاۋدا ۇستاپ وتىر.
ء«بىز كوشەگە شىعۋدى, قوعامدىق ورىندارعا بارۋدى بارىنشا شەكتەۋ ارقىلى عانا دەنساۋلىعىمىزدى قورعاي الامىز. كوروناۆيرۋس ينفەكتسياسىمەن كۇرەستىڭ ەڭ ءتيىمدى ءادىسى - ادامدار اراسىنداعى بايلانىستى مەيلىنشە ازايتۋ. ۇيىمداردىڭ, مەكەمەلەردىڭ, ۇلكەن ساۋدا ورىندارىنىڭ, ەمدەۋ مەكەمەلەرىنىڭ باسشىلارى سانيتارلىق نورمالاردى قاتاڭ ساقتاۋىمىز ءتيىس», - دەدى ول.
