مىسالى, «Nur Otan» پارتياسى سايرام اۋداندىق فيليالىنىڭ مۇشەلەرى جانە ەرىكتىلەردىڭ دانەكەرلىگىمەن 130 وتباسى اتالعان كومەككە قول جەتكىزدى. بۇل يگى ىستەر ەلباسى باستاماسىمەن جاريالانعان ء«بىز بىرگەمىز!» رەسپۋبليكالىق اكتسياسى شەڭبەرىندە اتقارىلىپ جاتقانى ءمالىم. «ەل باسىنا وسىنداي قيىنشىلىق تۇسكەن كەزدە بىرىگۋ ارقىلى عانا جەڭىپ شىعاتىنىمىز ايان. اسىرەسە, كاسىبىن دوڭگەلەتىپ, ەل يگىلىگى جولىندا ەڭبەك ەتىپ جاتقان جەكە كاسىپكەرلەردىڭ وسىندايدا جومارتتىق تانىتۋى قۋانتارلىق جاعداي. ەلباسى بارلىق قازاقستان ازاماتتارىنا, ونىڭ ىشىندە كاسىپ يەلەرىنە ەرەكشە ۇندەۋ جولدادى. اتى جامان اۋرۋدان حالىقتى امان الىپ شىعۋ ءۇشىن ءوز ۇلەستەرىن قوسۋعا شاقىردى. جانى جومارتتىققا جاقىن تۇركىستاننىڭ اتىمتاي جومارت ازاماتتارى بىردەن بۇل ۇندەۋگە قولداۋ ءبىلدىردى. ارىس وقيعاسى كەزىندە تالايعا شاراپاتى تيگەن «تۇركىستان» قورىنا قاراجات اۋدارىپ, اۋرۋدىڭ كەڭ تارالۋىنىڭ الدىن-الۋى ءۇشىن كومەك كورسەتەر كاسىپكەرلەر شىقتى. ونىڭ ۇستىنە بارلىق سالانىڭ قىزمەتكەرلەرى ءبىر كۇندىك ايلىق اقىلارىن اۋدارىپ, ۇلەستەرىن قوسۋدا. مىنە, ەلدىڭ بىرلىگى, بولىنبەس ىنتىماعى وسىندايدا بىلىنەدى.
جۇمىلا كوتەرگەن جۇكتىڭ اۋىر بولمايتىنىن دالەلدەپ, ءبىز بۇل قيىندىقتى دا بىرلىكپەن, تەمىردەي تارتىپپەن, جوعارى جاۋاپكەرشىلىكپەن, تالاپشىلدىقپەن, تازالىقپەن جەڭىپ شىعارىمىزعا كامىل سەنەمىن», دەيدى جازۋشى, حالىقارالىق «الاش» ادەبي سىيلىعىنىڭ يەگەرى مارحابات بايعۇت.
تۇركىستان وبلىسى
