الماتىلىقتار كارانتين كەزىندە تۇڭعىش پرەزيدەنت ساياباعىنا, ورتالىق مادەنيەت جانە دەمالىس ساياباعىنا, 28 پانفيلوۆشىلار پاركىنە, Family Park, بوتانيكالىق باققا, «قيال الەمى» ساياباعىنا, الماتى زووباعىنا, الما-اراسان جانە وزگە دە ادام قاراسى كوپ جينالاتىن ورىندارعا بارۋدان باس تارتۋلارى قاجەت.
بۇرىن قالالىق اكىمدىكتىڭ شەشىمىمەن مەدەۋ, شىمبۇلاق, پيونەر, كوك-توبە, سونىمەن قاتار, COVID-19 ەپيدەميولوگياسىنىڭ تۇراقتانۋىنا دەيىن الماتى مەن الماتى اگلومەراتسياسىنا ىشكى تۋريزم بويىنشا تۋرلار مەن ەكسكۋرسيالار وتكىزەتىن تۋريستىك ۇيىمداردىڭ قىزمەتى توقتاتىلاتىندىعى حابارلانعان بولاتىن.
سونداي-اق, تۋريزم باسقارماسى تۋروپەراتورلارعا كوروناۆيرۋس تىركەلگەن قاۋىپتى ساناتتاعى ەلدەرگە قاتىنايتىن جانە سول ەلدەردەن بىزگە كەلەتىن تۋرلاردى ۋاقىتشا توقتاتۋ تۋرالى ۇسىنىس بىلدىرگەن بولاتىن. COVID-19 بۇدان ءارى تارالۋىنىڭ الدىن الۋ ماقساتىندا ادام كوپ جينالاتىن ورىندارداعى ساقتىق شارالارىن قاتاڭ قاداعالاۋ تۋرالى نۇسقاۋلىقتار تاراتىلدى.
الماتى
