بيزنەس • 21 ناۋرىز، 2020

«قازاقتەلەكوم» كاسىپكەرلەرگە كارانتين كەزىندە ىڭعايلى سەرۆيستەر ۇسىنادى

21 رەتكورسەتىلدى

«قازاقتەلەكوم» اق كاسىپكەرلەرگە قاجەتتى قۇجاتتاردى جەدەل الۋ جانە ەلەكتروندىق قۇجات اينالىمىن جۇرگىزۋ بويىنشا ىڭعايلى سەرۆيستەرمەن ismet.kz الاڭىن پايدالانۋدى ۇسىنادى، دەپ حابارلايدى «قازاقتەلەكوم» اق قوعاممەن بايلانىس قىزمەتى.

«قازاقتەلەكوم» اق كوروناۆيرۋس پاندەمياسى سالدارىنان ەلدەگى توتەنشە جاعدايعا بايلانىستى، كليەنتتەرگە قامقورلىق كورسەتە وتىرىپ، كاسىپكەرلەرگە ismet.kz ونلاين-الاڭدى پايدالانۋدى ۇسىنادى.

ISMET.kz — بۇل بيزنەسكە ارنالعان پلاتفورما، وندا كاسىپكەرلەر ءۇشىن زاماناۋي IT-شەشىمدەر، مەملەكەتتىك قولداۋ شارالارى مەن وقىتۋ ماتەريالدارى جيناقتالعان. پلاتفورمادا زاڭدى تۇلعالار مەن جەكە كاسىپكەرلەر ءۇشىن ارنايى ينتەرنەت، تەلەفونيا جانە تەلەديدار قىزمەتتەرى كورسەتىلگەن. بۇل الاڭنىڭ پايدالانۋشىلارى كەز كەلگەن بيزنەس اۋقىمى ءۇشىن بۇلتتى داتا-ورتالىقتار مەن سەرۆەرلەردى تاڭداۋعا قولجەتىمدى.

بۇنى پايدالانۋ ءۇشىن كاسىپكەرلەرگە پلاتفورمادا تىركەلۋ قاجەت. تولىق نۇسقاۋلاردى مىنا سىلتەمە بويىنشا تابۋعا بولادى https://www.ismet.kz/ru/community/news/vernyy-sposob-zashchitit-sebya-ot.

پلاتفورمادا قىزمەتكەرلەردى ىرىكتەۋ، سەرىكتەستەردى ىزدەۋ، قۇجات اينالىمى، كاسسالىق، بۋحگالتەرلىك جانە سالىق ەسەبى سياقتى ۇدەرىستەردى رەتتەۋگە جانە اۆتوماتتاندىرۋعا كومەكتەسەتىن قازاقستاندىق IT-كومپانيالاردىڭ جاڭا ازىرلەمەلەرى ۇسىنىلىپ، تۇراقتى تۇردە ورنالاستىرىلادى. كوممۋنيكاتسياعا ارنالعان فۋنكتسيونالدار: بلوگتار، سۇراق-جاۋاپتار جانە بيزنەس جاڭالىقتارى ismet.kz سايتىندا ىسكە اسىرىلدى. ءىsmet.kz پايدالانۋشىلارى بۋحگالتەريا، سالىق سالۋ، زاڭتانۋ، سونداي-اق، كەدەندىك راسىمدەر مەن مەملەكەتتىك ساتىپ الۋ سالاسىندا تەگىن كەڭەستەر الا الادى. 

الماتى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار