«قازاقتەلەكوم» «بازالىق», «ەليتنىي» جانە «پرەميۋم» iD TV توپتامالارىنىڭ ابونەنتتەرى ءۇشىن قوسىمشا تولەمسىز بارلىق تەلەارنالارعا قولجەتىمدىلىكتى اشۋ تۋرالى شەشىم قابىلدادى. وسىلايشا, «بازالىق» تاريفتىك جوسپارىنىڭ ابونەنتتەرى ءۇشىن تاعى 56 پرەميالدى ارنا قولجەتىمدى بولادى.
«قازاقتەلەكوم» اق بولشەك بيزنەس جونىندەگى باس ديرەكتورى ي.پوگرەبيتسكيدىڭ ايتۋىنشا, وسى شارالارمەن كومپانيا كارانتين جاعدايىندا قازاقستاندىقتارعا قولداۋ بىلدىرەدى.
«قازىرگى ۋاقىتتا iD TV قىزمەتىنىڭ توپتامالارىنا ءارتۇرلى جانرداعى 170-كە جۋىق ارنا ەنگىزىلگەن: 60-تان استامى قازاقستاندىق, 30-عا جۋىعى فيلمدەر, تانىمدىق, ويىن-ساۋىق, سپورتتىق, بالالارعا ارنالعان جانە مۋزىكالىق تەلەارنالار. سونداي-اق, اعىمداعى جىلى ءبىز توردى «تنت», «ربك», «اس HD» سياقتى سۇرانىسقا يە ارنالارمەن كەڭەيتتىك, ال 20 ناۋرىزدان باستاپ, مەملەكەتتىك تىلدە تاعى ەكى جاڭا كينوارنانى – «Q Kino Hit» جانە «Q Kino Alem» قوسامىز», - دەپ اتاپ ءوتتى ي. پوگرەبيتسكي. وسىلايشا, قوسىلعان تاريفتىك جوسپارعا قاراماستان, iD TV-نىڭ بارلىق ابونەنتتەرىنە 170 ارنا قولجەتىمدى بولادى. اكتسيانىڭ ارەكەت ەتۋ مەرزىمى ءالى شەكتەلمەگەن.
الماتى
