ەلىمىزدەگى توتەنشە جاعدايعا بايلانىستى «قازاقتەلەكوم» كومپانيالار توبى دەنساۋلىق ساقتاۋ مينيسترلىگىمەن مەموراندۋمعا قول قويعان بولاتىن. ونىڭ ناتيجەسىندە 5 000-نان استام قازاقستاندىق مەديتسينا قىزمەتكەرلەرى ۇيالى بايلانىس جانە ينتەرنەت جەلىسىن تەگىن پايدالانۋدا. قۇجاتقا قول قويۋدى ەلىمىزدىڭ ەڭ ءىرى تەلەكوممۋنيكاتسيالىق وپەراتورى, تسيفرلىق دامۋ, يننوۆاتسيا جانە اەروعارىش ونەركاسىبى مينيسترلىگىمەن بىرلەسىپ قولعا العان.
پرەزيدەنت جاريالاعان توتەنشە جاعداي كەزەڭىندە «قازاقتەلەكوم» كومپانيالار توبىنىڭ دەنساۋلىق ساقتاۋ سەكتورىن قولداۋعا باعىتتالعان شارالارى وسىنداي بولىپ وتىر. اتاپ ايتقاندا, ەپيدەميولوگيالىق جاعدايدىڭ كۇردەلەنۋى كەزەڭىندە ىسكە قوسىلعان 5 000-نان استام مەديتسينا قىزمەتكەرلەرىنە تەگىن ۇيالى بايلانىس جانە Tele2, Altel, Kcell/activ جەلىلەرىندە ينتەرنەت جەلىسىنە قول جەتكىزىلەدى.
«قازاقتەلەكوم» اق قوعاممەن بايلانىس قىزمەتىنەن ءمالىم بولعانداي, «قازاقتەلەكوم» اق ديرەكتورلار كەڭەسىنىڭ مۇشەسى ە.قۇسايىنوۆ كومپانيالار توبىنا كىرەتىن ءموبيلدى وپەراتورلاردىڭ وسى سەرۆيستەردى ۇسىنۋعا دايىن ەكەندىگىن ايتىپ, مەملەكەت پەن بيزنەستىڭ كوروناۆيرۋسقا قارسى كۇرەستەگى ورتاق كۇش-جىگەرى, ساپالى ۇزدىكسىز بايلانىس پەن ينتەرنەت جەلىسىنە قاجەتتى كولەمدە قولجەتىمدىلىكتى قامتاماسىز ەتىلەتىندىگىن اتاپ وتكەن بولاتىن.
ال «قازاقتەلەكوم» اق باسقارما توراعاسى ق.ەسەكەەۆ «قازاقتەلەكوم» كومپانيالار توبى قالىپتاسقان جاعدايدىڭ بارلىق كۇردەلىلىگىن جانە كوروناۆيرۋسقا قارسى كۇرەستىڭ الدىڭعى جەلىسىندە تۇرعان مەديتسينا قىزمەتكەرلەرى ءۇشىن كەپىلدەندىرىلگەن ۇزدىكسىز كوممۋنيكاتسيانىڭ ماڭىزدىلىعىن تۇسىنە وتىرىپ, وسى شەشىمدى قابىلدادى. قازىرگى ۋاقىتتا دەنساۋلىق ساقتاۋ مينيسترلىگىنەن مەديتسينالىق قىزمەتكەرلەردىڭ دەرەكتەرىن الۋ جانە باستامانى ۇيلەستىرۋدىڭ جەدەل جۇزەگە اسىپ جاتقاندىعىن جەتكىزگەن بولاتىن.
اۋرۋ جاعدايلارى انىقتالعان ەلدەردىڭ تاجىريبەسى بويىنشا مەديتسينالىق قىزمەتكەرلەرگە تۇسەتىن جۇكتەمەنىڭ ءبىرى كوممۋنيكاتسيا قۇرالدارىمەن قاتىستى بولعان. وسى ورايدا ۇزدىكسىز بايلانىس ارنالارى بولعان كەزدە عانا مەديتسينا قىزمەتكەرلەرىنىڭ ءىس-قيمىلدارىن جەدەل ۇيلەستىرىلەدى. بۇل باستاما 90 كۇن بويى قولدانىستا بولادى.
الماتى
