2016 جىلى وسكەمەن قالاسىنىڭ پوليتسيا باسقارماسىنا كولىك يەسىنە ارىز تۇسكەن سوڭ, پوليتسيا ەل كولەمىندە ىزدەۋ جاريالايدى. قولدى بولعان «اۋدي-80» ءتورت جىلدان سوڭ قوستاناي وبلىسىنداعى فەدوروۆ اۋىلىنان تابىلىپ وتىر. جەدەل-تەرگەۋ شارالارى بارىسىندا پوليتسەيلەر ونىڭ وسى ەلدى مەكەندە تۇراتىن 57 جاستاعى ەر ادامنىڭ مەنشىگىندە ەكەنىن انىقتادى. فەدوروۆ تۇرعىنى اۆتوكولىكتى بەلگىسىز ازاماتتان قۇجاتتارىمەن قوسا ساتىپ العانىن ايتادى. تەمىر تۇلپاردى تاركىلەپ العان پوليتسەيلەر جابىرلەنۋشىگە جوعالعانى تابىلعانىن حابارلايدى. الىستان الىپ-ۇشىپ جەتكەن الەكسەي: - مەن ءبىر جىل وتكەن سوڭ «اۋديىمنەن» مۇلدە كۇدەر ءۇزىپ ەدىم. كۇتپەگەن قۋانىش دەپ وسىنى ايتۋعا بولادى. پوليتسياعا كاسىبي شەبەرلىگى مەن قىزمەتكە ادالدىعى ءۇشىن العىسىم شەكسىز, - دەدى.
قوستاناي
