قوماقتى قارجى ەپيدەمياعا قارسى ءىس-شارالارعا قاتىسقان دارىگەرلەر مەن مەديتسينا قىزمەتكەرلەرىنە ۇستەمە اقى تولەۋگە, وكپەگە جاساندى تۇردە دەم جىبەرەتىن اپپاراتتاردى, دەزينفەكتسيالاۋ قۇرالدارى مەن مەديتسينالىق ماسكا ساتىپ الۋعا جۇمسالادى.
- بۇل قارجى, نەگىزىنەن, وبلىستىڭ مەديتسينالىق مەكەمەلەرىن ماتەريالدىق-تەحنيكالىق قامتاماسىز ەتۋدى كۇشەيتۋگە جۇمسالادى. وبلىسقا وكپەگە جاساندى تۇردە دەم جىبەرەتىن 41 اپپارات جەتكىزىلەدى. مۇنداي قۇرىلعىلار قازىر وزىمىزدە دە بار. بىراق سوزىلمالى دەرتكە ۇشىراعان, اسىرەسە, ەگدە جاستاعى ادامداردىڭ وكپەسى ىستەمەي قالاتىنى بەلگىلى. سوندىقتان ءبىز قوسىمشا قۇرىلعىلاردى ساتىپ ساتىپ الىپ وتىرمىز. ونىڭ 11-ءى تاياۋدا كەلەدى, 30-ى 15-20 ساۋىرگە قاراي جەتكىزىلەدى, - دەدى ا. مۇحامبەتوۆ.
وبلىس باسشىسى ىندەتكە قارسى شارالارعا تارتىلاتىن دارىگەرلەرگە تولەنەتىن ۇستەمە اقى ماسەلەسىنىڭ دە باسىن اشا كەتتى. اكىمنىڭ ايتۋىنشا, تاۋلىك بويى جۇمىس ىستەپ جاتقان دارىگەرلەر مەن مەديتسينا قىزمەتكەرلەرىنە قازىرشە 241 ملن تەڭگە ءبولىنىپ وتىر.
جيىندا دەنساۋلىق ساقتاۋ باسقارماسىنىڭ باسشىسى ۆياچەسلاۆ دۋدنيك بۇگىنگە دەيىن قوستاناي وبلىسىندا كوروناۆيرۋس ينفەكتسياسىن جۇقتىرۋ جاعدايلارى تىركەلمەگەنىن, ىندەتتىڭ الدىن الۋ شارالارى كۇشەيتىلگەن تارتىپتە جۇرگىزىلىپ جاتقانىن اتاپ ءوتتى.
تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ باسشىسى ورال بەكماعامبەتوۆتىڭ مالىمدەۋىنشە, وبلىس اۋماعىنداعى مەملەكەتتىك شەكارادا 8 وتكىزۋ پۋنكتى بار, 2 تەمىرجول جابىق, قالعان بەكەتتەر قاتاڭ رەجىمدە جۇمىس ىستەپ جاتىر.
دەپارتامەنت الەۋمەتتىك-تۇرمىستىق ماقساتتاعى 1064 نىساندى باقىلاۋعا الىپ, مونيتورينگ جۇرگىزگەن. ناتيجەسىندە 33 ءىرى ساۋدا ورتالىعىنىڭ جۇمىس ۋاقىتى شەكتەلىپ, 105 نىساننىڭ قىزمەتى توقتاتىلعان. ونىڭ ىشىندە 21 ساۋدا ورتالىعى, 23 ويىن-ساۋىق كەشەنى, 10 كينوتەاتر, 15 فيتنەس-ورتالىق, 4 تۇنگى كلۋب جانە 32 قوعامدىق مەكەمە بار.
سونىمەن قاتار, 21 حقكو, 35 بانك, 44 ءدىني مەكەمەدە دەزينفەكتسيالىق رەجىمد كۇشەيتىلدى.
قوستاناي وبلىسى
