ايتا كەتەتىن ءبىر جايت, بورتىندا 67 جولاۋشى بولعان اتالعان ۇشاق نۇر-سۇلتان قالاسىنا قونۋى ءتيىس بولاتىن. الايدا, باس قالاداعى كارانتيندىك رەجيم بويىنشا تۋىنداعان قيىندىقتارعا بايلانىستى ۇشاق قاراعاندى اۋەجايىنا قوندىرىلعان ەدى.
– نۇر-سۇلتان-مينسك اۆيارەيسىمەنەن ۇشىپ كەلگەن ەكى جولاۋشىنىڭ كوروناۆيرۋس ينفەكتسياسىن جۇقتىرعانى رەسمي تۇردە انىقتالدى. قازىر ولاردىڭ جاعدايى قاناعاتتانارلىق دەڭگەيدە. جولاۋشىلاردى قارسى الۋ كەزىندە قاجەتتى قاۋىپسىزدىك ءىس-شارالارىنىڭ ءبارى ساقتالدى. اۆتوبۋس ۇشاق باسپالداعىنا دەيىن بارىپ, جولاۋشىلاردىڭ اۋەجاي عيماراتىنا كىرۋ جولى كەسىلىپ, ولار بىردەن كولىككە وتىرعىزىلدى. ازاماتتار ۇشاق ىشىندە تەكسەرىلىپ, ودان كەيىن بارىپ كارانتيندىك گوسپيتالدەرگە جەتكىزىلدى. جولاۋشىلار بولىمشەلەرگە بولەك جاتقىزىلدى. قازىرگى تاڭدا, ينفەكتسيا جۇقتىرعان ەكى ادامنىڭ دەر كەزىندە وقشاۋلاندىرىلعانىن ەسكەرە وتىرىپ, وبلىس توڭىرەگىندە كارانتين جاريالاۋعا نەگىز جوق, – دەدى وبلىستىق دەنساۋلىق ساقتاۋ باسقارماسىنىڭ باسشىسى.
سونداي-اق, ەرجان نۇرلىباەۆ كوروناۆيرۋس جۇقتىرعان ەكى جولاۋشىنىڭ قاراعاندى وبلىسىنىڭ تۇرعىندارى ەمەستىگىن اتاپ ءوتتى.
وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى قانات اسقاروۆ قازىرگى تاڭدا قاراعاندى وبلىسىندا التى سانيتارلىق بەكەت جۇمىسى ۇيىمداستىرىلعان حابارلادى. مۇندا تاۋلىك بويى كەزەكشىلىك ەتەتىن ارنايى بريگادا ازاماتتاردىڭ دەنە قىزۋىن تەكسەرىپ, باسقا دا سانيتارلىق الدىن الۋ ءىس-شارالارىن جۇزەگە اسىرادى.
وبلىستىق كاسىپكەرلىك باسقارماسىنىڭ باسشىسى تاتيانا ابلاەۆا وڭىردە ازىق-ت ۇلىك باعالارىنىڭ باقىلاۋدا ەكەنىن جەتكىزدى. ونىڭ ايتۋىنشا, رەسەي جانە بەلارۋس ەلدەرىنەن اكەلىنەتىندىكتەن, قانتتىڭ عانا باعاسى قىمباتتاعان. سونداي-اق, ول ءىرى ساۋدا ورىندارى جۇمىسىن ۋاقىتشا توقتاتقان كەزدە جالعا الۋشىلاردان اقى المايتىنىن جەتكىزدى. بۇل تۋراسىندا وبلىس كاسىپكەرلەرىمەن كەلىسىمگە قول جەتكىزىلگەنىن اتاپ ءوتتى ول.
بريفينگتىڭ سوڭىندا وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ ۋاقىتپەن ساناسپاي جۇمىس ىستەپ جۇرگەن مەدتسينالىق قىزمەتكەرلەرگە العىس ايتىپ جانە وبلىس تۇرعىندارىن سابىرلى بولۋعا شاقىردى.
قاراعاندى وبلىستىق پوليتسيا دەپارتامەنتىنىڭ رەسمي وكىلى جاڭاتاي سەمبەكوۆ جالعان قاۋەسەتتەرگە سەنبەي, تەك قانا مەملەكەتتىك ورگانداردىڭ رەسمي سايتتارىنداعى اقپاراتتارعا جۇگىنۋگە ۇندەدى جانە الەۋمەتتىك جەلىلەردە جالعان جانە ۇرەي تۋدىراتىن حابار تاراتقانداردىڭ زاڭ بويىنشا جاۋاپكەرشىلىككە تارتىلاتىنىن ەسكە سالدى.
ەسكە سالار بولساق, بورتىندا كوروناۆيرۋس جۇقتىرعان ەكى جولاۋشى بولعان ۇشاق قاراعاندى اۋەجايىنا 18 ناۋرىز كۇنى مينسك قالاسىنان ۇشىپ كەلگەن بولاتىن.
قاراعاندى وبلىسى
