كوروناۆيرۋستىڭ ءبىر قاۋپى – بۇل ىندەتتى سۋىق تيۋمەن شاتىستىرىپ الۋ وتە وڭاي ەكەن.
CoViD-19 ينفەكتسياسىن العاش تىركەگەن ۋحاندىق ماماندار 138 پاتسيەنتتى زەرتتەپ, اۋرۋ اعىمىن كەزەڭدەرگە بولگەن. وسىلايشا, اۋرۋدىڭ ەكى نەگىزگى كەزەڭى اتالدى.
ءبىرىنشىسى 7 كۇنگە سوزىلادى.ء بىرىنشى كۇندەگى كەڭ تاراعان العاشقى بەلگىسى – قالتىراپ, قىزۋ كوتەرىلۋ. ناۋقاستاردىڭ 99%-ىندا جوعارى تەمپەراتۋرا بايقالعان.
ەكىنشى كۇنى قاتتى شارشاۋ سەزىلەدى. سونداي-اق قۇرقاق جوتەل پايدا بولىپ, بۇلشىقەتتەر اۋىرادى. كەيبىر جاعدايدا لوقسۋ جانە ءىش ءوتۋ بايقالادى.
جەتىنشى كۇن – بۇل كەزەڭنىڭ اياعى. دەمەك, اۋرۋ جۇقتىرعانداردىڭ 85%-ىنىڭ دەنساۋلىعى دۇرىستالا باستايدى. مۇنداي جاعدايدا ەگەر ءسىز ءوزى-ءوزىڭىزدى وقشاۋلاعان بولساڭىز ءارى ەشكىممەن بايلانىس ورناتپاساڭىز, جۇمىسىڭىزدى جالعاستىرۋىڭىزعا بولادى.
ەكىنشى كەزەڭ تاعى ەكى اپتاعا سوزىلادى, الايدا, بۇل ۆيرۋس جۇقتىرعانداردىڭ 15 پايىزىنا عانا قاۋىپتى. مۇنداي كەزدە اۋرۋحاناعا قارالعان ءجون, سەبەبى پاتسيەنت اۋرۋحاناعا جاتۋدى قاجەت ەتۋى مۇمكىن. ادەتتە ناۋقاس كوروناۆيرۋستان 17-كۇنى قايتىس بولۋى مۇمكىن. 21-كۇنى ەكىنشى كەزەڭ اياقتالادى.
وسى ەكى كەزەڭنەن وتكەن ناۋقاستار جۇمىسىن جالعاستىرۋعا قاۋقارلى بولادى.
ايتا كەتۋ كەرەك, ددسۇ كوروناۆيرۋسقا قارسى ۆاكتسينا سىناعى باستالعانىن حابارلاعان بولاتىن.
