«قاراپايىم زاتتار ەكونوميكاسى» باعدارلاماسى اياسىندا تۇيە شارۋاشىلىعىن كەڭەيتۋ جوباسىندا جىلدىق 6%-بەن نەسيەلەندىرۋ جولدارى قاراستىرىلعان. اۋىلشارۋاشىلىق سالاسىنىڭ ماماندارى وبلىس اكىمى ومىرزاق شوكەەۆتىڭ باستاماسىمەن جۇزەگە اسىرىلا باستاعان جوبا 8-9 ايدا ءوزىن-ءوزى اقتايتىنىن ايتۋدا. بۇگىنگى كۇنى تۇيە شارۋاشىلىعىن دامىتۋعا نيەتتەنگەن 80 اۋىل شارۋاشىلىعى تاۋار وندىرۋشىلەرى انىقتالعان, 3070 انالىق تۇيە ساتىپ الىنباق. بۇل ورايدا قارجى ۇيىمىنان قۇنى - 1 ملرد 115 ملن تەڭگە بولاتىن 3 جوبا ماقۇلدانىپ وتىر.
سونداي-اق, «Golden camel group ltd» جشس-ى «1000 باسقا ارنالعان ساۋىندى تۇيە كەشەنىن سالۋ» جوباسىن ىسكە اسىرا باستادى. وسى ارادا ايتا كەتەلىك, تاۋلىگىنە 100 توننا تۇيە ءسۇتىن قايتا وڭدەۋ مۇمكىندىگى بار «Golden camel group ltd» تولىق قۋاتىندا جۇمىس ىستەي الماي كەلەدى. قازىرگى تاڭدا كاسىپورىن 5 ءسۇت قابىلداۋ بەكەتتەرى (سوزاق, ورداباسى, وتىرار اۋداندارى مەن تۇركىستان قالاسى) ارقىلى 20 شارۋا قوجالىقتارىمەن كەلىسىمشارتقا وتىرىپ, تاۋلىگىنە 5 توننا تۇيە ءسۇتىن قابىلداۋدا. ءبىر ءليترىن 1000 تەڭگەدەن وتكىزىپ وتىرعان تۇيە شارۋاشىلىقتارى جانە اۋىل تۇرعىندارى ءۇشىن ءونىم وتكىزۋگە ۇلكەن مۇمكىندىك جاسالۋدا. جۋىردا «Golden camel group ltd» جشس قىتايعا تۇيە سۇتىنەن دايىندالعان 13 توننا دايىن ۇنتاق ءونىمىن ەكسپورتقا شىعاردى.
تۇركىستان وبلىسى
