قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ قۇرامالارى مەن بولىمدەرىندە ۆزۆودتاردىڭ جاۋىنگەرلىك جاتتىعۋلارعا توسەلۋى جونىندەگى شارالار مارەسىنە جەتپەك, دەپ حابارلادى قورعانىس مينيسترلىگىنىڭ ءباسپاسوز قىزمەتى.
قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ قۇرامالارى مەن بولىمدەرىندە ۆزۆودتاردىڭ جاۋىنگەرلىك جاتتىعۋلارعا توسەلۋى جونىندەگى شارالار مارەسىنە جەتپەك, دەپ حابارلادى قورعانىس مينيسترلىگىنىڭ ءباسپاسوز قىزمەتى.
ۆزۆودتاردىڭ جاۋىنگەرلىك جاتتىعۋلارعا توسەلۋى جونىندەگى شارالاردى وتكىزۋ موتواتقىش, بارلاۋشى, تانكتىك, دەسانتتىق شابۋىلداۋشى, زەنيتتىك-راكەتالىق ۆزۆودتارعا ارنايى جاسالعان تاقىرىپتار بويىنشا جۇزەگە اسىرىلدى. جەكە قۇرامعا ءارتۇرلى جاعدايلاردا ۇرىس قيمىلدارىن وقىتىپ-ۇيرەتۋ ماقساتىندا ساباقتار قاراستىرىلدى.
جاۋىنگەرلىك ازىرلىك بويىنشا وتكىزىلگەن شارالاردىڭ نەگىزگى ەرەكشەلىكتەرىنىڭ ءبىرى – اەروۇتقىر اسكەرلەرى ۆزۆودتارى ءۇشىن تاكتيكالىق جانە اۋە دەسانتىن ءتۇسىرۋ بولىپ تابىلدى.
قۇرلىق اسكەرلەرىنىڭ قۇرامالارى مەن بولىمدەرىندە وتكىزىلگەن جاتتىعۋلارعا توسەلۋ جونىندەگى شارالاردىڭ قورىتىندىسىندا جەكە قۇرام ۆزۆود قۇرامىندا ۇرىس قيمىلدارىن جۇرگىزۋدە مول تاجىريبە جيناقتادى. ۇيرەنۋشى اسكەري قىزمەتشىلەر ۇرىس كەزىنە جاقىنداتىلعان جاعدايدا ارەكەت ەتىپ, ۇرىس دالاسىندا ءوزارا ءىس-قيمىل جاساۋعا داعدىلاندى. بۇل كەز كەلگەن تاپسىرمانى ورىنداۋدىڭ نەگىزى بولىپ سانالادى.
