ايماقتار • 20 ناۋرىز، 2020

كەلەشەكتەگى كاسىپكەرلىككە قادام

53 رەتكورسەتىلدى

ءو.سۇلتانعازين اتىنداعى قوستاناي مەملەكەتتىك پەدا­گو­گيكالىق ۋنيۆەرسيتەتىندە بيزنەس – ينكۋباتور U – Smart يننوۆاتسيالىق ورتالىعىنىڭ قۇرىلعانىنا ءبىر جىل بولدى. بۇل اسا كوپ ۋاقىت ەمەس، بىراق ورتالىققا ستۋدەنتتەر ءجيى جينالادى. ءبىلىم سوڭىندا جۇرگەن ستۋدەنتتىڭ ماقساتى كوپ. بۇگىنگى جاستار كۇندەلىكتى ءدارىس تىڭداپ، سونىڭ اياسىندا عانا سەمينار ساباقتارىنا دايىندالۋدى مىسە تۇتپايدى. ۇستازدىقتى قالاپ كەلگەن ستۋدەنت ءبىلىم الۋمەن بىرگە ءوز كاسىبىن اشۋدى دا ارماندايدى. ال ارمان شارق ۇرىپ ىزدەنگەندە عانا قول جەتەر بيىك ەكەنىن ءار ستۋدەنت جاقسى تۇسىنەدى. ءبىلىم ورداسىنداعى بيزنەس – ينكۋباتور U – Smart يننوۆاتسيالىق ورتالىعى وسىعان مۇمكىندىك جاساپ وتىر.

ستۋدەنتتەر اراسىندا ءوزىنىڭ قىزىقتى باستاما­لا­رىن كاسىپكە اينالدىرۋدى ويلايتىن، ونى ءتۇرلى باي­قاۋلارعا سالىپ، باعىن سىناپ كورگەندەر دە از ەمەس. ديا­نا تەمىرحانوۆا بولاشاق كاسى­بىن ءبىلىم بەرۋ سالاسى اياسىندا دامىتقىسى كەلەدى. ول قا­زىردىڭ وزىندە قازاقستان ما­دە­نيەتى تۋرالى اعىلشىن تى­­لىندە مۋلتفيلمدەر سەريا­سىن جاسادى. پاۆلودار قالا­سىن­دا وتكەن ەلىمىزدىڭ جو­عارى وقۋ ورىن­دا­رىنىڭ رەكتور­لار كە­ڭە­سىن­دە جوبانى قار­جى­لاندىرۋعا ۇسى­نىس بەردى.

– ماقساتىم، جوبادان تابىس تابۋ ەمەس، بالدىرعاندارعا اعىل­شىن ءتىلىن ۇيرەتۋدىڭ ءتيىمدى جولىن تابۋ جانە تۋعان ولكەنىڭ تابيعاتىن، حالقىمىزدىڭ سالت-ءداس­تۇرىن، مادەنيەتىن جاس كەزىنەن بالانىڭ قۇلاعىنا قۇيۋ، جۇرەگىنە جەتكىزۋگە تالپىنىس بولاتىن، – دەيدى جوبا اۆتورى ديانا تەمىرحانوۆا. سونىمەن قاتار بولاشاق ۇستازدار اننا سەروۋس پەن ديانا ساۆينا دا بولاشاقتا كاسىبىن ءبىلىم بەرۋ سالاسىمەن بايلانىس­­­تىرۋدى ويلايدى. قىزداردىڭ اميكۋس چات دەپ اتالاتىن جوباسى الەۋ­مەتتىك جەلىگە تاڭىلىپ، ونىڭ تەرىس اسەرىنىڭ سالقىنىنا تاپ بول­­عان ءجاسوسپىرىم بالالارعا پسي­­حولوگيالىق كومەككە كەلەدى. جوبا اۆتورلارى بىرنەشە رەت باي­قاۋلارعا قاتىسىپ، جەڭىمپاز اتاندى. نۇر-سۇلتان قالاسىندا وتكەن Tech Central، الماتى قا­لاسىندا وتكەن Asia ZhasCamp باي­قاۋلارىندا اكسەلەراتسيالىق باع­دارلامالارعا قاتىسىپ، في­نال­عا جەتۋى ولاردى قاناتتاندىرا ءتۇس­تى.

– ءبىزدىڭ ستۋدەنتتەر كاسىپ­كەرلىككە تالپىنعاندا، مۇنىڭ ولارعا بولاشاقتاعى تابىس كوزى بولۋى بەلگىلى جايت. بىراق جاس­تارعا دا، قوعامعا دا ولاردىڭ تا­بىسقا جەتۋگە دەيىنگى ىزدەنىس جول­دارى وتە ماڭىزدى دەر ەدىم. ويتكەنى ءبىزدىڭ رەزيدەنتتەرىمىز قوعامداعى وزگەرىستەردى، ەكونو­ميكانى، الەۋمەتتىك سالانى حال-قادەرىنشە زەرتتەي وتىرىپ، ءومىردىڭ بارلىق سالاسىنان وزەكتى دەگەن تاقىرىپتى تاڭدايدى. سول بويىنشا ۇتىمدى يدەيالارىن ورتاعا سالادى. ال وزدەرى جا­ساعان جوبامەن كونكۋرستارعا قاتىس­قاندا، ستۋدەنتتەر كوتەرگەن ماسەلەلەر ىرىكتەلىپ، ەڭ قاجەتتىسى عانا قارجىلاندىرىلۋ ارقىلى ومىرگە جولداما الادى، – دەيدى ۋنيۆەرسيتەتتەگى بيزنەس – ينكۋباتور U – Smart ورتالىعى كوم­مەر­تسيالاندىرۋ ءوفيسىنىڭ جەتەك­شىسى ناتاليا سولوۆەۆا.

قازىر ءبىلىم ورداسىنىڭ بيز­نەس-ينكۋباتور ورتالىعى 19 ءبى­لىم باعدارلاماسى وكىلدەرىن، 50 رە­زيدەنتتى قامتىپ وتىر. ولار­دىڭ كۇشىمەن 20 جوبا جۇ­­زە­گە اسىرىلادى. وقۋمەن قا­تار كاسىپكەرلىككە تالپىنعان جاستاردىڭ ىزدەنىستەرى دە ار­الۋان­دىعىمەن سۇيسىنتەدى. ونىڭ اراسىندا تەك قىزمەت كور­سەتۋ عانا ەمەس، ونەركاسىپتەگى وڭ­­دەۋگە، جالپى قولدانىستاعى تۇر­­مىستىق تاۋارلار مەن ازىق-تۇ­­لىك وندىرۋگە ۇمتىلىستار دا بار.

 

ءنازيرا سىروۆا

 

قوستاناي

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار