اتالعان مەكەمە قۇرىلعاننان بەرى 44 ميلليارد تەڭگەدەن استام قارجىنى قۇرايتىن 69 جوبانى جۇزەگە اسىرعان. بۇگىندە وڭىردە ازىق-ت ۇلىك قاۋىپسىزدىگىن قامتاماسىز ەتۋ ماقساتىندا تۇراقتاندىرۋ قورى جۇمىس ىستەيدى دەسەك, وندا ۇن, كۇرىش, قاراقۇمىق, قانت, ءسابىز, پياز, وسىمدىك مايى, جۇمىرتقا جانە وزگە دە وسى سەكىلدى ونىمدەر ساقتالۋدا. قورداعى بۇل ونىمدەر ءىرى ساۋدا نۇكتەلەرىنەن باسقا كوممۋنالدىق بازارلار مەن الەۋمەتتىك دۇڭگىرشەكتەردە دە ساتىلۋدا ەكەن.
الايدا, جامبىل وبلىسىنىڭ اكىمى بەردىبەك ساپارباەۆ بىرنەشە رەت «تاراز» اكك باسشىلىعىنا ەسكەرتۋ جاساپ, جۇمىسىنا كوڭىلى تولمايتىنىن ايتقان. اۋەلى ەلىمىزدە توتەنشە جاعداي ەنگىزىلگەن ۋاقىتتا نان, كارتوپ, كۇرىش, قانت سەكىلدى الەۋمەتتىك ماڭىزى بار ازىق-ت ۇلىكتىڭ قىمباتتاپ كەتۋىنە بايلانىستى دا نۇركەن شاربيەۆكە سىن ايتىلعان. مىنە, مۇنداي سىن ءاربىر جيىن ارقىلى ايتىلىپ كەلەدى. «تاراز» الەۋمەتتىك-كاسىپكەرلىك كورپوراتسياسىنىڭ قىزمەتى ءوڭىردىڭ الەۋمەتتىك-ەكونوميكالىق دامۋى ءۇشىن ەرەكشە ماڭىزعا يە. سوندىقتان ول ءتيىمدى جانە ناتيجەلى ۇيىمداستىرىلۋى ءتيىس. وكىنىشكە وراي, ونداي قارقىن بايقالمايدى», دەدى تاعى دا اكىم. سونداي-اق, بەردىبەك ساپارباەۆتىڭ ايتۋىنشا, كورپوراتسيا ورىن الىپ جاتقان ەكونوميكالىق ۇدەرىستەر مەن سىن-قاتەرلەرگە, نارىقتىق قاتىناستاردىڭ اعىمىنا جانە تۇتىنۋشىلىق قاجەتتىلىكتەرگە ناقتى جاۋاپ بەرۋدە بەلسەندىلىك تانىتا الماي وتىر. وڭىرگە ينۆەستيتسيا تارتۋ, بيزنەس-باستامالاردى قولداۋ بويىنشا دا ءتيىستى جۇمىستار ءالسىز. اكىمنىڭ كورپوراتسيا باسشىلىعىنا قاراتىپ ء«سىز اۋىل تۇرعىندارىنىڭ تۇرمىستىق تابىسىن ارتتىرۋ جونىندەگى پيلوتتىق جوبانى ۇيىمداستىرۋشىلاردىڭ ءبىرى بولىپ تابىلاسىز. ۇكىمەت بۇل ماقساتقا ءتيىستى قاراجاتتى ءبولدى. الايدا, اۋىلدىقتار وسى اقشانى تەز جانە ءتيىمدى يگەرۋ ىسىندە سىزدەردىڭ تاراپتان ءتيىستى كومەك ويداعىداي كورسەتىلمەگەن. جۇكتەلگەن مىندەتتى قىزمەتكەرلەرىڭىز سوڭعى ۋاقىتقا دەيىن ىركىلىسپەن ارەڭ ورىندادى», دەگەنى تاعى بار. سونىمەن قاتار, «تاراز» اكك باسشىلىعى تاراپىنان تۇراقتاندىرۋ قورىنىڭ ونىمدەرىن ساتۋدا ءتيىستى باقىلاۋ جوق جانە الەۋمەتتىك پاۆيلونداردىڭ جۇمىسى دا دۇرىس جولعا قويىلماعان. جانە ولاردىڭ كوپشىلىگى دەمالىس كۇندەرى جابىق تۇرادى ەكەن.
جامبىل وبلىسى
