زەينەتاقى اكتيۆتەرىن ءار ءتۇرلى ۆاليۋتالارداعى سەنىمدى قارجى قۇرالدارىنا ينۆەستيتسيالاۋ تۇراقتى ينۆەستيتسيالىق كىرىستىلىكتى, سونداي-اق شەتەل ۆاليۋتالارىنا قاتىستى تەڭگە باعامىنىڭ وزگەرۋى تاۋەكەلدەرىنەن قورعاۋدى قامتاماسىز ەتەدى. زەينەتاقى اكتيۆتەرى قۇرىلىمىنىڭ 32%- دان استامى شەتەل ۆاليۋتاسىنا نوميناتسيالانعان قارجى قۇرالدارىنان تۇرادى. ولاردىڭ باسىم بولىگى (پورتفەلدىڭ 30%- عا جۋىق كولەمى) - اقش دوللارىندا.
قورجىندى ۆاليۋتالىق ءارتاراپتاندىرۋدىڭ, ينۆەستيتسيالار گەوگرافياسى مەن قارجى قۇرالدارى سپەكترىن كەڭەيتۋدىڭ ارقاسىندا حالىقتىڭ زەينەتاقى جيناقتارىنداعى تازا ينۆەستيتسيالىق كىرىس ۇلەسى تۇراقتى تۇردە وسۋدە.
«بجزق» اق ءباسپاسوز قىزمەتىنىڭ حابارلاۋىنشا, 2020 جىلدىڭ باسىنان بەرى تازا ينۆەستيتسيالىق كىرىس 332,34 ملرد تەڭگەدەن استى (2019 جىلدىڭ وسى كەزەڭىندە 66,8 ملرد تەڭگە). ناۋرىز ايىنىڭ ءبىرىنشى جارتىسىندا سالىمشىلاردىڭ شوتتارىنا اۋدارىلعان ينۆەستيتسيالىق كىرىس 192,45 ملرد تەڭگەنى قۇرادى (2019 جىلدىڭ وسى كەزەڭىندە 54,74 ملرد تەڭگە).
