ءبىرىنشى. ينفەكتسيانىڭ تارالۋىنا جول بەرمەۋ ءۇشىن ارنايى وڭىرلىك جەدەل شتاب قۇرىلدى. ول تاۋلىك بويى قىزمەت ەتەدى.
ەكىنشى. توتەنشە جاعداي كەزىندە, كارانتينگە سايكەس حالىق پەن شارۋاشىلىق سۋبەكتىلەرىنىڭ قىزمەتىن رەتتەۋ ءۇشىن, قالالىق شتابتىڭ ارنايى شەشىمى قابىلداندى.
ءۇشىنشى. كارانتين جاعدايىندا قالانىڭ ازىق-ت ۇلىك قاۋىپسىزدىگىن قامتاماسىز ەتۋ ءۇشىن ارنايى ءىس-شارالار جوسپارى ىسكە اسۋدا. قوسىمشا ازىق-ت ۇلىك تاۋارلارىن جەتكىزۋ ماسەلەسى, وڭىرلەرمەن بىرلەسە وتىرىپ شەشىلدى. قازىرگى تاڭدا حالىققا ەڭ ءبىرىنشى قاجەتتى الەۋمەتتىك جانە تۇتىنۋشىلىق تاۋارلار قورى جەتكىلىكتى. ساۋدا ۇيلەرى مەن قويمالاردا ارتىق كولەمدە قور جيناقتالعان.
ءتورتىنشى. دەنساۋلىق ساقتاۋ مينيسترلىگىنىڭ ا جانە ۆ جوسپارىنداعى ءىس-قيمىل الگوريتمىنە سايكەس, كوروناۆيرۋس ينفەكتسياسىن جۇقتىرعان ادامدارمەن بايلانىسى بولعان تۇلعالارعا ارنالعان الدىن الۋ جاتىن ورىندارى مەن كارانتين ستاتسيونارلارى كەڭەيتىلدى. س جوسپارىنا سايكەس قوسىمشا جاتىن ورىندار جاساقتالدى.
بەسىنشى. فارماتسەۆتيكا قاۋىمداستىعى مەن تاۋارلاردىڭ قاۋىپسىزدىگىن, ساپاسىن جانە قىزمەتىن باقىلاۋ دەپارتامەنتى اراسىندا باعانى رەتتەۋ, سونداي-اق دارىلىك جانە مەديتسينالىق تاۋارلاردى جەتكىزۋ بويىنشا ءوزارا ىنتىماقتاستىق مەموراندۋمىنا قول قويىلدى.
سانيتارلىق-ەپيدەمياعا قارسى كەڭەيتىلگەن ءىس-شارالار كەشەنى ىسكە اسىرىلۋدا:
ايالدامالاردى, قوعامدىق كولىكتەردى, كوشە بويلارىن جانە وزگە دە الەۋمەتتىك ماڭىزدى نىسانداردى سانيتارلىق رەتتەۋ جانە دەزينفەكتسيالاۋ جۇمىستارى ۇيىمداستىرىلۋدا (ارنايى حلورلى سۇيىقتىق ارقىلى)
ازىق-ت ۇلىك ونىمدەرىن ساتاتىن ساۋدا جەلىلەرى مەن دۇكەندەردىڭ ءۇزىلىسسىز قىزمەت ەتۋ مۇمكىندىگى قامتاماسىز ەتىلۋدە;
قوعامدىق تاماقتانۋ ورىندارىندا ونلاين تاپسىرىس بەرۋ جانە تاماقتى ۇيگە جەتكىزۋ فورماتى جۇيەسى ۇيىمداستىرىلدى;
بيزنەس ورتالىقتار, ستوماتولوگيا, شاشتاراز جانە تاعى باسقا حالىققا جەكەلەي قىزمەت كورسەتۋ ورىندارى ساعات 10.00-دەن 17.00-گە دەيىن قىزمەت ەتۋ رەجيمىندە بولادى;
قۇرىلىس جانە ولاردىڭ مەردىگەر كومپانيالارى سانيتارلىق نورمالاردى كۇشەيتە وتىرىپ, شتاتتىق رەجيمدە جۇمىستارىن جالعاستىرا بەرەدى.
تۇرعىندار جانە زاڭدى تۇلعالار, مەنشىك نىسانىنا قاراماستان شەكتەۋ شارالارىن, سونىڭ ىشىندە كارانتيندىك رەجيمدى ورىنداۋعا مىندەتتى.
ازاماتتاردان شىندىققا جاناسپايتىن مالىمەتتەردى تاراتۋعا, ارانداتۋشىلىققا بەرىلمەۋگە, سپەكۋلياتسياعا بەرىلمەۋلەرىن سۇرايمىز. مەملەكەتتىك مەكەمەلەردىڭ رەسمي دەرەككوزدەرىندە جاريالانعان اقپاراتتارعا عانا سەنىڭىزدەر.
