ايماقتا كوروناۆيرۋس ىندەتىن جۇقتىرعاندار جوق. سوندىقتان تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ازاماتتارعا ارانداتۋشىلىققا جول بەرمەۋدى, تەك رەسمي اقپاراتقا سەنۋدى سۇرايدى.
وبلىستىق پد ءباسپاسوز قىزمەتىنىڭ مالىمدەۋىنشە, 36 جاستاعى قارابالىق اۋدانىنىڭ تۇرعىنىنا قاتىستى قر قك-ءنىڭ 274-بابى 2-ءبولىمى بويىنشا «بۇقارالىق اقپارات قۇرالدارىن پايدالانا وتىرىپ كورىنەۋ جالعان اقپاراتتى تاراتۋ» بويىنشا سوتقا دەيىنگى تەرگەۋ باستالعان.
كۇدىكتى ءوزىنىڭ وتباسى گەرمانيادان كەلىسىمەن ولاردىڭ قارابالىق اۋدانىنىڭ اۋرۋحاناسىنا جاتقىزىلعانى تۋرالى اقپارات تاراتقان. تەرگەۋ بارىسىندا ونىڭ وتباسىنىڭ گەرمانياعا بارماعانى, قازىرگى ۋاقىتتا بارلىعىنىڭ ءتورت كوزى تۇگەل امان-ساۋ ەكەنى انىقتالعان.
- جالعان اقپارات تاراتقاندارعا زاڭ بويىنشا ءۇش مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى. نەمەسە سول مولشەردە تۇزەۋ جۇمىستارىنا, نە سەگىز ءجۇز ساعاتقا دەيىنگى مەرزىمگە قوعامدىق جۇمىستارعا تارتىلادى. ءتىپتى, ءۇش جىلعا دەيىن باس بوستاندىعىنان ايىرۋ شاراسى قولدانىلۋى مۇمكىن, - دەدى قارابالىق اۋدانىنىڭ پوليتسيا ءبولىمىنىڭ باستىعى نۇرجان احمەتوۆ.
كوروناۆيرۋس تۋرالى جالعان اقپارات تاراتۋ دەرەگى دەنيسوۆ اۋدانىندا دا تىركەلەگن. بۇل ءىس قازىر سوتقا دەيىنگى وندىرىستە قارالىپ جاتىر.
قوستاناي
