ەلوردا • 19 ناۋرىز، 2020

باقتيار ماكەن: قالا شەڭبەرىندە ءتيىستى 6 بلوك بەكەتى ورناتىلدى

16 رەتكورسەتىلدى

بۇل تۋرالى ەلوردا اكىمىنىڭ ورىنباسارى باقتيار ماكەن ايتتى.

«ەلىمىزدە توتەنشە جاعدايدىڭ ەنگىزىلۋىنە بايلانىستى مەملەكەت باسشىسىنىڭ تاپسىرماسىنا سايكەس جانە قالىپتاسقان كۇردەلى اقاۋلارعا بايلانىستى، سونداي-اق، حالىقتى بارىنشا حاباردار ەتۋ ماقساتىندا قوسىمشا شەكتەۋلەرمەن پروفيلاكتيكالىق جانە انتي-ەپيدەميالىق شارالار قابىلدانۋدا. پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا قازىرگى تاڭدا ۇكىمەت تاراپىنان وسى جۇمىستاردى اتقارىپ جاتىر. 19 ناۋرىز ساعات 00:00-دەن باستاپ نۇر-سۇلتان قالاسىندا كوروناۆيرۋستىڭ تارالۋىنا بايلانىستى كارانتين رەجيمى ەنگىزىلدى. قالا پەريمەترى بويىنشا تۇرعىنداردىڭ قوزعالىسى مەن كولىكتەردىڭ كىرۋىن جانە شىعۋىن قاداعالاۋعا قالا شەڭبەرىندە ءتيىستى 6 بلوك بەكەتى ورناتىلدى. قوسىمشا تاعى دا ءبىر بەكەت ورناتىلۋدا. قورعانىس مينيسترلىگىنىڭ ءتيىستى ماماندارى، سانيتارلىق-ەپيدەميولوگيالىق قىزمەتى وكىلدەرى جانە ىشكى ىستەر ماماندارى سول بلوك بەكەتتەردە ءتيىستى جۇمىستارىن اتقارىپ جاتىر. قالا باسشىلىعى تالاپكەر، قاراوتكەل، قوياندى، قوسشى، جىبەك جولى، اۋىل تۇرعىندارىنىڭ قوزعالىس ماسەلەسىن رەتتەيدى. كارانتين اۋماعى ەلدى مەكەندەردىڭ ايماعىنا دەيىن كەڭەيتىلدى. بلوك بەكەتتەر وسى اۋىلداردىڭ سىرتىنا ورنالاستىرىلدى» دەدى باقتيار ماكەن.

 

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار