«ەل باسشىلىعى ءبىزدىڭ ازاماتتارىمىزدىڭ دەنساۋلىعىن ساقتاۋ جانە ولاردىڭ زاڭدى قۇقىقتارىنىڭ ساقتالۋىن قامتاماسىز ەتۋ مىندەتىن قويدى. الدىن الا دايىندىق بىزگە قاجەتتى كۇشتەر مەن قۇرالداردى دايىنداۋعا مۇمكىندىك بەردى. كوروناۆيرۋستىق ينفەكتسيانىڭ تارالۋىن بولدىرماۋ ءۇشىن قارۋلى كۇشتەردىڭ بيولوگيالىق قورعانىس بولىمدەرى ارنايى جابدىقتاردىڭ كومەگىمەن اۋماقتار مەن وبەكتىلەردى دەزينفەكتسيالاي باستادى», دەدى ت. داندىباەۆ وكق بريفينگىندە.
ونىڭ ايتۋىنشا, اسكەري مەديتسينالىق مەكەمەلەر ازاماتتاردىڭ دەنساۋلىعىن قورعاۋدا قاجەتتى كومەك كورسەتۋگە دايىن. ول ءۇشىن 24 مەديتسينالىق جانە مەيىربيكەلىك توپ قۇرىلىپ, دەنساۋلىق ساقتاۋ مينيسترلىگىمەن ءوزارا ءىس-قيمىل ۇيىمداستىرىلدى.
«اسكەريلەر ىشكى ىستەر ورگاندارىمەن بىرلەسىپ, ەلدى مەكەندەردى كۇزەتۋگە جانە نۇر-سۇلتان مەن الماتى قالالارىنىڭ كارانتيندىك ايماقتارىنىڭ شەكارالارىنداعى وتكىزۋ پۋنكتتەرىن نىعايتۋعا قاتىسادى. ءبىز ازاماتتاردىڭ كەز-كەلگەن وتىنىشتەرىنە جاۋاپ بەرۋگە جانە قولىمىزدان كەلگەن كومەكتى كورسەتۋگە دايىنبىز. قارۋلى كۇشتەر قابىلداعان شارالاردى تۇسىنىستىكپەن قابىلداڭىزدار», دەپ ءتۇسىندىردى ت. داندىباەۆ.
ەسكە سالايىق, كارانتيندىك رەجيم نۇر-سۇلتان مەن الماتىدا 19 ناۋرىز ساعات 00: 00-دەن باستاپ ەنگىزىلەدى بۇل شەشىمدى پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا قابىلدادى.
سونىمەن قاتار, بۇكىل قازاقستان بويىنشا توتەنشە جاعداي جاريالاندى.
