- ەلىمىزدە كوروناۆيرۋس ىندەتىنە بايلانىستى توتەنشە جاعداي جاريالانىسىمەن ورال قالاسى شارتتى تۇردە 20 وكرۋگكە ءبولىنىپ, ءار وكرۋگتە ارنايى مونيتورينگتىك توپتار قۇرىلعان بولاتىن. ول توپتاردى ارنايى شتاب باسقارادى. ورال قالاسىندا توتەنشە جاعداي رەجيمىنە باعىناتىن 1446 كاسىپكەرلىك نىسانى بار, ولار – ساۋدا ورتالىقتارى, ازىق-ت ۇلىك جانە شارۋاشىلىق دۇكەندەرى, كافە-مەيرامحانالار. بۇلاردىڭ بارلىعى تۇراقتى باقىلاۋدا. ارينە, تۇرعىنداردى الدىمەن الاڭداتاتىن نارسە – ازىق-ت ۇلىك تاۋارلارىنىڭ باعاسى. توتەنشە جاعدايدىڭ العاشقى كۇندەرى شەكارا جابىلۋىنا وراي كەيبىر الەۋمەتتىك ماڭىزى بار تاۋارلار, مىسالى قانت پەن كارتوپ باعاسى كوتەرىلگەن فاكتىلەرى بولدى. ءبىز ەكى كۇن بويى كوتەرمە ساۋدا نۇكتەلەرىمەن جۇمىس ىستەدىك, العاشقى كۇنى-اق رەسەيدەن 40 تونناعا جۋىق كارتوپ كىرگىزىپ, باعانى تۇراقتاندىرۋعا قول جەتكىزدىك. قازىرگى تاڭدا بارلىق كوتەرمە ساۋدا نۇكتەلەرىندە كارتوپ باعاسى كيلوگرامىنا 100 تەڭگەدەن, بولشەك ساۋدادا 115-120 تەڭگەدەن تۇراقتاندى. ءدال بۇگىن ورال قالاسىنىڭ بارلىق ساۋدا نۇكتەلەرىندە حالىق ءجيى تۇتىناتىن 19 ءتۇرلى ازىق-ت ۇلىك تولىعىمەن قولجەتىمدى باعادا, قاجەتتى مولشەردە ساتىلىپ جاتىر. راس, العاشقى كۇنى قانت باعاسى كۇرت كوتەرىلدى. ونىڭ سەبەبى, قانت بىزدە وندىرىلمەيدى, تەك قانا يمپورتتان كەلەدى. ءدال قازىر 70 توننا قۇمشەكەر جولدا كەلە جاتىر, تاعى 70 تونناعا تاپسىرىس بەرىلدى. ودان بولىك ورالدىق كاسىپكەرلەر الماتى قانت زاۋىتىمەن 400 تونناعا جۋىق قانت جەتكىزۋگە تاپسىرىس بەرىپ قويدى, - دەيدى بىزگە ورالدىڭ ورتالىق بازارىنان كەزدەسكەن قالا اكىمى ابات شىنىبەكوۆ.
زاڭ بويىنشا ازىق-ت ۇلىك باعاسىن نەگىزسىز وسىرگەن كاسىپكەرگە 100 اەك مولشەرىنە دەيىن ايىپپۇل سالىنادى. بىراق ورالدا ازىرگە ونداي جازاعا ەشكىم تارتىلماعان. كاسىپكەرلەرگە زاڭ ءتارتىبى ءتۇسىندىرىلىپ, ەسكەرتۋ جاسالىپ جاتىر ەكەن.
- كەشە 1 كيلو كارتوپتىڭ باعاسى ورال ساۋدا نۇكتەلەرىندە ورتاشا ەسەپپەن 160-170 تەڭگە بولسا, بۇگىن ول 120 تەڭگەگە ءتۇستى. قانت باعاسى ورتاشا 200 تەڭگەدەن. ناۋرىزدىڭ سوڭى, ءساۋىردىڭ باسىنا قاراي ورالعا 720 توننا قانت جەتكىزىلەدى. 5000 توننا كارتوپ كەلەدى. قىزىلوردادان كۇرىش, پاۆلوداردان كارتوپ اكەلۋ تۋرالى كەلىسىمدەر بار. بۇگىنگى كۇنى ءوزىمىزدى ءوزىمىز قاجەتتى ازىق-ت ۇلىكپەن تولىق قامتي الامىز, - دەيدى باتىس قازاقستان وبلىستىق كاسىپكەرلىك جانە يندۋستريالدىق-يننوۆاتسيالىق دامۋ باسقارماسىنىڭ باسشىسى ەرنار بەكەتوۆ.
مامانداردىڭ ايتۋىنشا, كەيبىر ازىق-ت ۇلىك باعاسىنىڭ كۇرت وسۋىنە ەل ىشىندەگى الىپقاشپا اڭگىمە, اجيوتاج دا اسەر ەتكەن. ماسەلەن, اقپان ايىندا ورال ساۋدا نۇكتەلەرىندە 400 توننا كارتوپ, 200 توننادان ءسال ارتىق قانت ساتىلعان ەكەن. ال سوڭعى ەكى كۇندە ورالدىڭ بازارلارىنان 1-1,5 ايلىق ازىق-ت ۇلىك ساتىلىپ كەتكەن! ارينە, مۇنداي كۇرت سۇرانىس باعانىڭ ءوسۋىن تۋدىرۋى – نارىقتىڭ زاڭى عوي.
باتىس قازاقستان
