قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي اقمولا وبلىسىندا تاياۋدا سايلانعان اۋىلدىق وكرۋگتەر اكىمدەرىمەن جەرگىلىكتى ءوزىن-ءوزى باسقارۋدى دامىتۋدىڭ كەلەشەگىن تالقىلادى.
قازاقستان رەسپۋبليكاسى پارلامەنتى سەناتىنىڭ توراعاسى قايرات ءمامي اقمولا وبلىسىندا تاياۋدا سايلانعان اۋىلدىق وكرۋگتەر اكىمدەرىمەن جەرگىلىكتى ءوزىن-ءوزى باسقارۋدى دامىتۋدىڭ كەلەشەگىن تالقىلادى.
سەنات توراعاسى جەرگىلىكتى بيلىك باسشىلارىن ماڭىزدى قوعامدىق-ساياسي وقيعامەن قۇتتىقتادى جانە اۋىل اكىمدەرى سايلاۋىنىڭ ناتيجەلەرى بويىنشا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ۇندەۋىندە العا قويىلعان مىندەتتەرگە جان-جاقتى توقتالدى.
«ەلىمىزدىڭ ساياسي جۇيەسىن جاڭعىرتۋ, جەرگىلىكتى جەرلەردەگى باسقارۋ جۇيەسىن رەفورمالاۋ, جەرگىلىكتى ءوزىن-ءوزى باسقارۋعا بەلسەندى قاتىسۋدى ۇلعايتۋ جولىندا ماڭىزدى قادام جاسالدى, دەپ اتاپ ءوتتى ق.ءمامي. جەرگىلىكتى ءوزىن-ءوزى باسقارۋدى ودان ءارى دامىتۋ جەرگىلىكتى حالىقتىڭ الەۋمەتتىك بەلسەندىلىگىن ارتتىرىپ, ازاماتتاردىڭ جاڭا باستامالارىنا سەرپىن بەرەتىن بولادى».
وتكەن سەسسيادا پارلامەنت مەملەكەت باسشىسىنىڭ تاپسىرماسى بويىنشا ازىرلەنگەن ەكى زاڭدى قابىلدادى. سوعان سايكەس, اۋىل اكىمدەرىنە قوسىمشا وكىلەتتىكتەر بەرىلىپ, تومەنگى دەڭگەيدەگى اكىمدەردىڭ قارجىلىق جانە ەكونوميكالىق دەربەستىگى كەڭەيتىلدى, جەرگىلىكتى ورگاندار باسشىلارىنا وزدەرىنىڭ كىرىس كوزدەرىن قالىپتاستىرۋ قۇقىقتارى بەرىلدى. ودان باسقا, تۇرعىنداردىڭ جينالىستارى جەرگىلىكتى ماڭىزى بار ماسەلەلەردى شەشۋگە بولىنگەن بيۋدجەت قارجىسىن پايدالانۋعا مونيتورينگ جۇرگىزۋ وكىلدىگىنە يە بولدى.
باقبەرگەن امالبەك,
«ەگەمەن قازاقستان».
