جوباعا قاتىسۋ ءۇشىن ءاربىر قازاقستاندىق ءۇي مۇراعاتتارىنان ۇلى وتان سوعىسىنىڭ فوتوسۋرەتتەرى مەن وقيعالارىمەن بولىسە الادى. ءىس جۇزىندە ءاربىر قازاقستاندىق وتباسىنىڭ جەڭىسكە قاتىستى ءوز تاريحى بار. الايدا ولاردىڭ جاۋىنگەرلىك ەرلىكتەرى, جارالانعان, تۇتقىندالعان نە بولماسا حابار-وشارسىز كەتكەندەر تۋرالى مالىمەتتەرى, تاعدىرلارى سوعىسپەن قاتار كەلگەن ادامدار تۋرالى مالىمەتتەر ءالى دە كوپتەگەن قازاقستاندىقتار ءۇشىن بەلگىسىز.
اتالعان جوبا سوعىسقا قاتىسۋشىلاردىڭ ەرەن ەرلىكتەرىن ماڭگى ەستە ساقتاۋ جانە تاريحي ماڭىزدىلىعىن ۇشتاستىرۋ, سونىمەن قاتار ۇلى جەڭىستىڭ 75 جىلدىعىنا وراي وتانداستاردى بىرىكتىرۋگە ارنالىپ وتىر.
ماتەريالداردا كەلەسى مالىمەتتەر بولۋى كەرەك (ەگەر بەلگىلى بولسا): اسكەري اتاعى, اتى-ءجونى, تۋعان كۇنى مەن تۋعان جەرى, قاشان جانە قانداي اسكەري كوميسسارياتتان شاقىرىلعان, قولدا بار ناگرادالارى, فوتوسۋرەتتەرى.
ماتەريالداردى مىنا ەلەكتروندى پوشتاعا جىبەرۋگە: mhm.kazakhstan@gmail.com نەمەسە 010000, قر قك ۇلتتىق اسكەري-پاتريوتتىق ورتالىعىنىڭ اسكەري-تاريحي مۋزەيى مەكەن-جايىنا جىبەرۋ قاجەت. قوسىمشا سۇراقتاردى مىنا بايلانىس تەلەفونىنان بىلۋگە بولادى : + 7 (7172)44-26-13.
اسكەري-تاريحي مۋزەيدىڭ ىزدەستىرۋ-ەكسپەديتسيالىق بولىمشەسى ەكىنشى دۇنيەجۇزىلىك سوعىس كەزىندە قازا تاپقان جانە حابار-وشارسىز كەتكەندەردى ىزدەۋ جانە ەسەپكە الۋ بويىنشا تۇراقتى نەگىزدە جۇمىس جۇرگىزەتىنىن اتاپ وتكەن ءجون. بۇدان باسقا, قازاقستاندىق جاۋىنگەرلەردىڭ اقپاراتتىق دەرەكتەرى بىرىڭعاي بازاعا جيناقتالىپ, جۇيەلەنەدى.
