«بۇگىندە جولاۋشىلار سانى بارلىق باعىتتار بويىنشا تومەندەدى. كۇنى كەشە 30%-عا تومەندەسە, بۇگىن تاعى 10%-عا ازايدى. وسىلايشا, جولاۋشىلار سانى 40%-عا تومەندەدى», - دەيدى بەكمىرزا يگەنبەردينوۆ. سونىمەن قاتار 19 ناۋرىزدان باستاپ كارانتيننىڭ ەنگىزىلۋىنە بايلانىستى بارلىق باعىتتار بويىنشا قوعامدىق كولىك سانى ازايادى.
«قازىر بىزدە اۆتوبۋستار سانى 856 بىرلىكتى قۇرايدى. ەرتەڭنەن باستاپ 676 بولادى, ياعني 21%-عا ازايادى. قالا جانە ەكسپرەسس باعىتىنداعى اۆتوبۋستار سانى 775-تەن 621 بىرلىككە, ياعني 20%-عا ازايادى. قالا ماڭى باعىتىنداعى اۆتوبۋس سانى 81-دەن 55-كە, ياعني 32%-عا ازايادى. قالا ماڭىنداعى باعىتتاردىڭ سانى 24. ولاردىڭ 15 كارانتين اۋماعىنداعى اۋىلدارعا قاتىنايدى: قوسشى, تايتوبە, جىبەك جولى, تالاپكەر, قوياندى, ۆوزدۆيجەنكا, قىزىلسۋات, مالوتيموفەەۆكا, شۇبار, ىبراي التىنسارين جانە «نۇرلى» اۋىلدارى. تاعى 9 قالا ماڭى باعدارى كارانتين اۋماعىنا كىرمەيتىن اۋىلدارعا قاتىنايدى. سول سەبەپتى ولاردىڭ قاتىناۋى ۋاقىتشا توقتاتىلادى, ياعني اقمول, قابانباي باتىر, راقىمجان قوشقارباەۆ, ماكسيموۆكا, ارشالى, جالتىركول, سوفيەۆكا اۋىلدارىنا اۆتوبۋستار ەرتەڭنەن باستاپ جۇرمەيدى»,- دەدى سەرىكتەستىك باسشىسى.
سونداي-اق ەرتەڭنەن باستاپ قالالىق, ەكسپرەسس جانە قالا ماڭىنا قاتىنايتىن باعدارلار ساعات كەشكى توعىزعا دەيىن جۇرەتىن بولادى.
