ايماقتار • 18 ناۋرىز، 2020

كوروناۆيرۋس: قوستاناي وبلىسىندا جاعداي تۇراقتى

149 رەتكورسەتىلدى

تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتى قوستاناي وبلىسىنا يسپانيا مەن گەرمانيادان كەلگەن 20 ادامنىڭ «ا» ساناتى بويىنشا اۋرۋحاناعا جاتقىزىلعانىن مالىمدەدى.

قازىرگى تاڭدا ولار توبىل قالاسىنداعى پروۆيزورلىق گوسپيتالدا جاتىر. جاعدايلارى - قاناعاتتانارلىق. ال شۆەيتساريادان كەلگەن 1 ادام «ب» ساناتى بويىنشا ءۇي كارانتينىندە جاتىر. بۇلاردىڭ بارلىعى دا قازاقستان ازاماتتارى.

ەكىنشى سانات بويىنشا 7 ادامعا تۇرعىلىقتى مەكەن جايىنان شىقپاۋ، ادامدار كوپ شوعىرلانعان جەرلەرگە بارماۋ، ەشكىممەن جاقىن سويلەسپەۋ جونىندە نۇسقاۋ بەرىلگەن. ولاردى دارىگەرلەر كۇن سايىن قوڭىراۋ شالىپ،  14 كۇن بويى باقىلاۋدا ۇستايتىن بولادى. 

كورونوۆيرۋس ىندەتى جايلاعان شەتەلدەردەن كەلگەن ادامدار توبىل قالاسىنداعى 695 جاتىنورىندىق پروۆيزورلىق ستاتسيونارعا جاتقىزىلادى. مۇنىڭ سىرتىندا، قوستاناي قالاسىنداعى وبلىستىق اۋرۋحانا مەن رۋدنىي قالالىق اۋرۋحاناسى جانىنان قوسىمشا ينفەكتسيالىق ستاتسيونارلار اشىلدى. 

«درۋجبا» شيپاجايى مەن مەڭدىقارا اۋدانىنداعى قاراباەۆ اتىنداعى وڭالتۋ ورتالىعىندا دا كارانتين قورى بار. 

بۇگىندە رەسەيمەن شەكارالاس وڭىرلەردە 8 سانيتارلىق-كارانتيندىك پۋنكت جاساقتالعان. وندا مەديتسينالىق قىزمەتكەرلەر، ەپيدەميولوگتار جانە شەكارا قىزمەتتەرى تاۋلىك بويى جۇمىس ىستەپ جاتىر.  وتكەن تاۋلىكتىڭ ىشىندە شەكارادان جالپى سانى 1141 ادام وتكەن. ايماقتا  جاعداي تۇراقتى. كورونوۆيرۋس ىندەتىن جۇقتىرعاندار جوق. 

 

قوستاناي

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار