قوعام • 18 ناۋرىز، 2020

انار جايىلعانوۆا ىندەتتىڭ تارالۋىن بولدىرماۋدىڭ ماڭىزدى شارتتارىن اتادى

50 رەتكورسەتىلدى

مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا مەملەكەتتىك اپپاراتتىڭ تۇراقتى جۇمىس ىستەۋىن قامتاماسىز ەتۋ ماقساتىندا قانداي شارالار ۇسىنىلعانىن ايتىپ بەردى.

- بىرىنشىدەن. يكەمدى، قىسقارتىلعان نەمەسە قاشىقتىقتان جۇمىس رەجيمىن قولدانۋ.

مەملەكەتتىك ورگانداردا يكەمدى جۇمىس ۋاقىتىن قولدانۋ اعىمداعى جاعدايدا ەرەكشە وزەكتى بولىپ تابىلادى.

مەملەكەت باسشىسى اتاپ وتكەندەي، «توتەنشە جاعداي رەجيمىندە قوعامنىڭ تىرشىلىگىن قامتاماسىز ەتەتىن، قاۋىپسىزدىك پەن قۇقىقتىق ءتارتىپتى باقىلايتىن مەكەمەلەردەن، جەكەلەگەن باق-تان وزگە مەملەكەتتىك، كۆازيمەمسەكتور قىزمەتشىلەرىنىڭ 70%-ىن قاشىقتان جۇمىس ىستەۋگە كوشىرگەن ءجون».

بۇل مەملەكەتتىك قىزمەتشىلەرگە جۇمىستان قول ۇزبەي، ۇزاق دەمالىس كەزىندە ءوز بالالارىن قاۋىپسىزدەندىرۋگە جانە بارلىق جاۋاپتى باعىتتاردا ۇزدىكسىز جۇمىس ىستەۋىن قامتاماسىز ەتۋگە مۇمكىندىك بەرەدى. بۇدان باسقا، وسى شارانى ىسكە اسىرۋ قوعامدىق كولىكتى قوسىمشا جەڭىلدەتۋگە ىقپال ەتەتىن بولادى، بۇل COVID-19 جاپپاي تارالۋىن بولدىرماۋدىڭ ماڭىزدى شارتتارىنىڭ ءبىرى بولىپ تابىلادى.

مەملەكەتتىك قىزمەتشىلەردىڭ جۇمىس ورنىندا تىكەلەي بولۋىن تالاپ ەتپەيتىن سالالاردا قاشىقتىقتان جۇمىس رەجيمىن ەنگىزگەن ءجون.

وسىعان بايلانىستى، ۋاقىتشا شەكتەۋلەر كەزەڭىندە ورتالىق مەملەكەتتىك ورگاندار مەن اكىمدىكتەر مەملەكەتتىك قىزمەتشىلەردىڭ مىناداي ساناتتارىن ايقىنداۋلارى قاجەت:

- جۇمىس ورنىندا مىندەتتى تۇردە بولا تۇرىپ، ۇيىمنىڭ تىنىس-تىرشىلىگىن قامتاماسىز ەتۋمەن اينالىساتىن تۇلعالار. بۇل رەتتە وسى تۇلعالاردىڭ قىسقارتىلعان جۇمىس ۋاقىتى بويىنشا قىزمەت ەتۋ مۇمكىندىگىن قاراستىرۋ قاجەت;

- ەڭبەك فۋنكتسيالارىن قاشىقتىقتاعى جۇمىس رەجيمىندە ورىندايتىن ادامدار;

- دەمالىسقا جىبەرىلەتىن قىزمەتشىلەر.

جوعارىدا كورسەتىلگەن تۇلعالاردىڭ جۇمىس شارتتارى مەن ءتارتىبىن وسىنداي جۇمىس رەجيمىن قاراستىراتىن ەڭبەك زاڭناماسىنا سايكەس جۇزەگە اسىرۋ قاجەت.

قاشىقتان جۇمىس ىستەيتىن مەملەكەتتىك قىزمەتشىلەردى تۇرعىلىقتى جەرىندە بولۋىن جانە ءوز قالالارى مەن ەلدى مەكەندەرىنەن كەتپەۋلەرىن سۇرايمىز.

جاۋاپكەرشىلىك تانىتا وتىرىپ، قىزمەتتىك مىندەتتەردى ورىنداۋعا دا، رەجيمنىڭ ساقتالۋىنا دا بارىنشا قاتاڭ قاراۋ كەرەك.

ەكىنشىدەن. مەملەكەتتىك ورگانداردا اعىمداعى كەڭەستەر مەن وتىرىستاردى وتكىزۋدى شەكتەۋ.

اقپاراتتىق تەحنولوگيالار عاسىرى بىزگە سكايپ-قوسىلىستار، ۆيدەوكونفەرەنتسبايلانىس جانە مەسسەندجەرلەر ارقىلى جەدەل كەلىسسوزدەر مەن كەڭەستەر جۇرگىزۋگە مۇمكىندىك بەرەدى. مەملەكەتتىك ورگانداردىڭ باسشىلارىن وسى مۇمكىندىكتەردى كەڭىنەن قولدانۋعا شاقىرامىن.

ۇشىنشىدەن. اعىمداعى تاپسىرمالاردى ورىنداۋ مەرزىمىن قايتا قاراۋ.

قاۋىپسىزدىكتى قامتاماسىز ەتۋ، حالىقتى قورعاۋ، الەۋمەتتىك جانە وزگە دە حالىقتى قامتاماسىز ەتۋ ماسەلەلەرىنە قاتىستى ەمەس تاپسىرمالاردىڭ باقىلاۋ مەرزىمدەرىن توتەنشە جاعداي ۋاقىتىندا ۇزارتۋدى نەمەسە توقتاتۋدى ۇسىنامىز.

ۋاقىتىلى الدىن الۋ شارالارىن قابىلداي وتىرىپ، ءبىز، مەملەكەتتىك قىزمەتشىلەر، وسى كەزەڭدە ءبىزدىڭ وتانداستارىمىزدىڭ قاۋىپسىزدىگى مەن جايلىلىعىن قامتاماسىز ەتە الامىز.

بىرلەسىپ، ءبىز ازاماتتارىمىزدىڭ دەنساۋلىعىن جانە مەملەكەتتىك اپپاراتتىڭ تولىققاندى جۇمىس ىستەۋىن قامتاماسىز ەتەتىنىمىزگە سەنىمدىمىن!

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار