جارىلىستى «Niksit» سەرىكتەستىگىنىڭ ماماندارى جۇرگىزىپ جاتىر. ونى جەرگىلىكتى اتقارۋشى ورگان وكىلدەرىنەن قۇرىلعان ارنايى كوميسسيا باقىلاۋدا. العاشقى مۇز جارۋ جۇمىستارى مايلين اۋدانىنا قاراستى بىرنەشە ەلدى مەكەندەردى جاناي اعىپ وتەتىن ايەت وزەنىندە, جانگەلدين اۋدانىنداعى ساعا اۋىلىنىڭ ماڭىنداعى سارىوزەندە جۇرگىزىلدى. توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, وزەن بەتىندەگى مۇزدىڭ قالىڭدىعى - 0,5-0,80 مەتر شاماسىندا. ماماندار, سونىمەن قاتار, مۇز قالىڭ جەرلەردى بۇرعىلاپ ويىق جاساپ جاتىر. ەكى كۇن ىشىندە ەلدى مەكەندەر مەن كۇرە جولداردىڭ بويىنداعى كوپىرلەردىڭ ماڭىندا ديامەترى 9 مەتر بولاتىن 200-گە جۋىق مۇز ويىعى بۇرعىلانعان.
قوستاناي
