قاۋىپتى ازىق-ت ۇلىكتى كىرگىزبەۋ ءۇشىن ۆەتەريناريالىق باقىلاۋ بەكەتتەرىندە جۇمىس كۇشەيتىلدى - اشم

بۇگىندە قازاقستان رەسپۋبليكاسىندا 63 ۆەتەريناريالىق باقىلاۋ بەكەتى بار, وندا 228 مەملەكەتتىك ۆەتەريناريالىق-سانيتاريالىق ينسپەكتور قىزمەت ەتەدى.

ەاەو ەلدەرىنەن تاۋارلاردى وتكىزۋ كەزىندە باقىلاۋدى كۇشەيتۋ ءۇشىن قوسىمشا 32 ۆەتەريناريالىق باقىلاۋ بەكەتى رف جانە قىرعىز رەسپۋبليكاسى شەكاراسىنىڭ بويىندا ورناتىلعان.

اتالمىش باقىلاۋ بەكەتتەرىن ورناتۋعا قىرعىزستانداعى جانۋارلار اۋرۋى بويىنشا تۇراقسىز جاعداي جانە شەكارانىڭ رەسەي جاعى بولىگىندە الدىن الا حابارلاۋ پۋنكتتەرىن قۇرۋى سەبەپ بولدى.

2020 جىلدىڭ باسىنان بەرى قوسىمشا ورناتىلعان 32 ۆەتەرينارلىق باقىلاۋ بەكەتىندە 19,5 مىڭ توننا تاۋار, ميلليونعا جۋىق مال مەن قۇس, 32,3 ملن تاۋىق جۇمىرتقاسىن تاسىمالداعان 2 663 اۆتوكولىك تەكسەرىلدى. ناتيجەسىندە ينسپەكتورلار 93 اۆتوكولىكتى كەرى قايتارىپ, جالپى سوماسى 835 065 تەڭگەگە ايىپپۇل سالدى.

انىقتاما: 2019 جىل بويى ۆەتەرينارلىق باقىلاۋ بەكەتتەرىندە 755 مىڭ تونناعا جۋىق جۇك, 623,5 مىڭ باس مال مەن قۇس, 70,7 ملن جۇمىرتقا تاسىمالداعان 6 863 اۆتوكولىك تەكسەرىلىپ, ونىڭ 213 جۇك كولىگى كەرى قايتارىلىپ, ميلليون تەڭگەدەن استام ايىپپۇل سالىندى.

بۇدان باسقا, قازاقستاننىڭ وزبەكستان رەسپۋبليكاسى جانە قحر مەملەكەتتىك شەكاراسى بويىندا 31 سىرتقى ۆەتەرينارلىق-باقىلاۋ بەكەتى جۇمىس ىستەپ تۇر (14 - اۆتوجولدا, 6–تەمىر جولدا, 2 – تەڭىز پورتىندا, 9 – حالىقارالىق اۋەجايلاردا).

بۇل بەكەتتەردە باقىلاۋدى 88 مەملەكەتتىك ۆەتەريناريالىق-سانيتارلىق ينسپەكتورلار جۇزەگە اسىرادى.