وبلىستىق اكىمدىك جەرگىلىكتى تاسىمالداۋشى كومپانيالارمەن كەلىسىمشارت جاساسىپ, ءار باعىت بويىنشا رەسمي تاسىمالداۋشىلاردى انىقتادى. سوندىقتان, جولاۋشىلار تاسىمالىمەن اينالىساتىن كومپانيالار قاي ساپارجايدان, قاي ۋاقىتتا, كۇنىنە نەشە رەت شىعاتىنىن وزدەرى تاڭدايدى. مىسالى, بىرنەشە باعىتتا اۆتوبۋس باعىتتارىن اشقان جاڭا تاسىمالداۋشىلار پايدا بولدى. ياعني, بىرنەشە باعىتتاعى جولاۋشىلار اۆتوبۋستارى بۇرىنعىداي اۆتوۆوكزالدان ەمەس, تەمىرجول ۆوكزالىنان دا جونەلتىلەدى. ماقسات-جولاۋشىلار تاسىمالى سالاسىنداعى باسەكەلەستىكتى ارتتىرۋ, قىزمەت ساپاسىن جاقسارتۋ.
بۇعان دەيىن «اۆتوۆوكزالسەرۆيس» جشس-نان بۇعان دەيىن ومبىعا كۇنىنە 4 رەت, ءنوۆوسىبىر مەن سلاۆگورودقا 2 رەت, كەمەرگە 1 رەت اۆتوبۋس جۇرەتىن. قازىر كورونوۆيرۋستىڭ تارالماۋى ءۇشىن ومبى, ءنوۆوسىبىر, كەمەر, بارناۋل, ەكاتەرينبۋرگ, سلاۆگورودقا باراتىن مارشرۋتتار توقتاتىلعان. جولاۋشىلاردىڭ الدىن-الا ساتىپ الىنعان بيلەتتەرى قايتارىلدى. كاسىپورىن ۇجىمىن ساقتاپ قالۋ ءۇشىن جۇمىسكەرلەردىڭ جۇمىس ۋاقىتىن قىسقارتىپ, كەيبىرى اقىسىز دەمالىسقا جىبەرىلۋدە.
ال, كاسىپورىن باسشىسى ەۆگەني پيليپەنكو ۇجىمدى ساقتاپ قالۋ ءۇشىن مەملەكەت تاراپىنان دوتاتسيا نەمەسە سالىقتىق جەڭىلدىك بەرۋدى سۇرايدى. جالپى بىلتىرعى كورسەتكىشپەن سالىستىرعاندا جولاۋشىلار تاسىمالىنىڭ نەبارى 35-40 پايىزى عانا ساقتالماق.
پاۆلودار
