كوشە ءتارتىبىن ساقتامايتىندار كوپ

سونداي ازاماتتاردىڭ ءبىرى جۋىردا جول ءجۇرۋ ەرەجەلەرىن بىرنەشە رەت بۇزعانى ءۇشىن اكىم­شىلىك جاۋاپكەرشىلىككە تارتىلدى. Toyota Hilux اۆتوكولىگىنە مىنگەن ونىڭ اپاتتى جاعداي تۋعىزعان ءجۇرىسىن ارتىنداعى جۇرگىزۋشى بەينەكورىنىسكە ءتۇسىرىپ الىپ, الەۋمەتتىك جەلىگە سالىپ قويعان ەدى, قولدانۋشىلار ونى قىزۋ تالقىلادى. اۆتوپاترۋل پوليتسەيلەرى جەلىدە جاريالانعان بەينەماتەريالدار بويىنشا ونى وڭاي ۇستادى. ءسويتىپ 30 جاستاعى قالا تۇرعىنى جولدىڭ قارسى جو­لاعىنا شىققانى جانە جول ەرەجەسىن بۇزىپ, اپاتتى جاعداي تۋعىزعانى ءۇشىن اكىمشىلىك كودەكس بويىنشا جاۋاپكەرشىلىككە تارتىلىپ, جالپى سوماسى 80 مىڭ تەڭگە ايىپپۇل تولەيتىن بولدى.

مۇنى ەستىگەن قالا تۇرعىن­دارى قۋانىپ, «ساۋاپ بولدى» دەسىپ جاتىر. ەندى وسى جۇرگىزۋ­شى­نىڭ قىلىعى باسقالارعا دا سا­باق بولسا, ءتىپتى جاقسى بولار ەدى. بىراق سوعان ءمان بەرىپ جات­قاندار جوقتىڭ قاسى سياقتى. ويت­كەنى جول ءجۇرۋ ەرەجەسى عانا ەمەس, قالا مادەنيەتىنەن حا­بارى جۇرداي ادامدار ازايىپ جاتقان جوق. پەتروپاۆلدىق جول ساقشىلارىنىڭ الەۋمەتتىك جە­لىلەر ارقىلى جول ۇستىندەگى زاڭ بۇزۋشىلاردى جازالاۋىنىڭ بۇل ءبىرىنشى فاكتىسى ەمەس. قاڭتار ايىندا قالانىڭ ەكى ەسەرسوق تۇرعىنى قالىڭ توسەنىشتى كولىككە تىركەپ الىپ, سىرعاناعاندارىن دا جازعان ەدىك. ەكەۋى دە ايىپ­پۇلمەن جازالانعان. بىراق نا­تيجە شامالى بولىپ تۇر. «جول قوزعالىسى ەرەجەلەرىن قاتاڭ ساق­تاۋعا كەڭەس بەرەمىز. سونداي-اق قۇقىق بۇزۋشىلىق كور­­سەتىل­گەن بەينەجازبا اكىم­شىلىك جاۋاپ­كەر­شىلىككە تارتۋ ءۇشىن نەگىز بولا­تىنىن ەستەرىڭىزگە سالامىز. ءاربىر جاياۋ جۇرگىنشى مەن جۇر­گىزۋشى پوليتسەيلەردىڭ بەي­نەتىر­كەگىشىنىڭ, جەدەل باس­قارۋ ورتالىعى كامەرالارى مەن باسقا دا تەحنيكالىق قۇ­رىل­عى­لار­دىڭ باقىلاۋىندا ەكەنىن ەستەن شىعارماۋى ءتيىس. جول قوز­عالىسى ەرەجەسىن ساقتاۋ – سىز­دەردىڭ قاۋىپ­سىزدىكتەرىڭىزدىڭ كە­پىلى ەكەنىن ۇمىتپاڭىزدار», دەدى پد جەر­گى­لىكتى پوليتسيا قىزمەتى باس­قار­ماسىنىڭ باستىعى, پوليتسيا پودپولكوۆنيگى ايدىن بايماتوۆ. ەستىر قۇلاق بولسا, مۇنداي ەسكەرتۋلەر ۇنەمى ايتىلۋدا. دەگەنمەن, جازانى اۋىرلاتپاي, ءتارتىپ ورناي قويمايتىن سياقتى.

پەتروپاۆل