ەلوردادا كارانتين كەزىندە قولدانىلاتىن شارالار:
• اۆتوۆوكزالدارداعى قالاارالىق اۆتوبۋستاردىڭ قوزعالىسىنا تىيىم سالىنادى.
• ەلوردا اۋماعىنا كىرىپ-شىعاتىن جەرلەردە شەكتەۋ قويىلادى.
• بارلىق كىرىپ-شىعاتىن جەرلەردە كولىك تۇرلەرى ءۇشىن كوروناۆيرۋستىق ينفەكتسياعا كۇدىكتى ادامدار نەمەسە جۇقتىرعان ادامداردى انىقتاۋ ءۇشىن قوسىمشا پۋنكتتەر ورناتىلادى.
• ساۋدا ويىن-ساۋىق ورتالىقتارىنداعى ازىق-ت ۇلىك دۇكەندەرى, كولىك جۋاتىن جەرلەر مەن ءدارىحانالار عانا جۇمىس ىستەيدى. قالعان ساۋدا نۇكتەلەرى ۋاقىتشا جۇمىسىن توقتاتادى. قالاداعى 12 ءىرى ساۋدا ويىن-ساۋىق ورتالىعى جۇمىسىن ۋاقىتشا توقتاتۋ تۋرالى شەشىم قابىلدادى.
• حالىققا قىزمەت كورسەتۋ ورتالىقتارىنىڭ جۇمىسى ۋاقىتشا شەكتەلەدى.
• بارلىق ۇيىمنىڭ باسشىلارىنا قىزمەتكەرلەردىڭ 70 پايىزىن قاشىقتان جۇمىس ىستەۋگە نەمەسە ەڭبەك دەمالىسىنا شىعارۋ پرەزيدەنت تاراپىنان ۇسىنىلدى. بۇل كوممۋنالدىق, قۇقىق قورعاۋ جانە ارنايى ورگاندارعا, مەديتسينا قىزمەتكەرلەرىنە, قالانىڭ تىنىس-تىرشىلىگىن قامتاماسىز ەتەتىن باسقا ۇيىمدارعا قاتىستى ەمەس.
• ساۋدا ويىن-ساۋىق ورتالىقتارىندا جانە كوممۋنالدىق شارۋاشىلىق, تاماق ونەركاسىبى, قوعامدىق تاماقتانۋ جەرلەرىندە, حالىققا قىزمەت كورسەتۋ ورتالىعىندا, ۆوكزالداردا, اۋەجايلاردا, قوناق ۇيلەر جانە تاعى باسقا ورىنداردا سانيتاريالىق, دەزينفەكتسيالىق رەجيم كۇشەيتىلدى.
• مەديتسينالىق تەكسەرۋدەن وتۋگە جانە ەمدەلۋدەن باس تارتقان, كارانتين رەجيمىن ساقتاۋعا بەيجاي قاراپ, ەپيدەمولوگيالىق جاعدايدى جانە تاعى دا باسقا جاعدايلاردى انىقتاۋ ءۇشىن قولىندا بار مالىمەتتەردى جاسىرعان كىسىلەرگە باقىلاۋ كۇشەيتىلەدى جانە وعان جاۋاپكەرشىلىك بار ەكەنىن ۇمىتپاۋ كەرەك.
• قوعامدىق ءتارتىپتى ساقتاۋ بويىنشا قالا اۋماعىندا پاترۋلدىك باقىلاۋ كۇشەيەدى.
