ورايى كەلگەندە ايتا كەتەيىك, قۇنانباي قورىمىنىڭ سان جىل قاراۋسىز تۇرعاندىعىن, قاستەرلى مەكەندى مەملەكەت قامقورلىعىنا الۋ قاجەتتىگى ماسەلەسىن گازەتىمىز بۇعان دەيىن بىرنەشە مارتە كوتەرگەن بولاتىن. الايدا سەڭ قوزعالماعان ەدى. تەك 2019 جىلعى ءساۋىر ايىندا مەملەكەت باسشىسى قاسىم-جومارت توقاەۆتىڭ شىعىس قازاقستانعا جاساعان ساپارىنان سوڭ بۇل ماسەلەگە كوزقاراس وزگەردى. پرەزيدەنت سول ساپارىندا: ء«بىز ۇلى اباي تۋرالى ايتقاندا, ونىڭ اكەسى – قۇنانبايدىڭ ەل تاريحىنداعى ەڭبەگىن ۇمىتپاۋىمىز قاجەت. سوندىقتان الداعى ۋاقىتتا وبلىس اكىمدىگى قۇنانبايدىڭ ەسىمىن ۇلىقتاۋعا بايلانىستى ءتيىستى شارالار قابىلداۋ مۇمكىندىگىن قاراستىرۋى كەرەك» دەگەن بولاتىن.
جاقىندا وسكەمەندە وتكەن وبلىستىق ءماسليحاتتىڭ كەزەكتەن تىس سەسسياسىندا اقشوقىدا قۇنانباي وسكەنباي ۇلىنا ارنالىپ سالىناتىن مۋزەي قۇرىلىسى جۋىق ارادا باستالاتىنى, بۇعان وبلىستىق بيۋدجەتتەن 276 ميلليون تەڭگە قارجى بولىنگەنى جايىندا ايتىلدى. وسى جيىندا ۇلى جازۋشى مۇحتار اۋەزوۆ دۇنيەگە كەلگەن ءبورىلى اۋىلىنىڭ جولىن جوندەۋگە 48 ميلليون تەڭگە جانە سەمەيدەگى اباي اتىنداعى تەاتر عيماراتىنا عىلىمي-رەستاۆراتسيالىق جۇمىستار جۇرگىزۋ ءۇشىن 198 ميلليون تەڭگە قاراجات بولىنەتىنى دە حابارلاندى.
ايتپاقشى, وڭىرىمىزدەگى ەڭ ءىرى ەكى قالا وسكەمەن مەن سەمەيدە اقىننىڭ اكەسى قۇنانباي اتىنداعى كوشە جوق. ۇلكەن مەرەيتوي اياسىندا بۇل ماسەلە شەشىمىن تابادى دەپ سەنەمىز.
شىعىس قازاقستان وبلىسى
