شەكارا اسۋعا, بىرىنشىدەن, شەتەلگە ەمدەلۋ ءۇشىن باراتىنداردىڭ قۇقىعى بار. بىراق ولار شەكاراشىعا ءتيىستى قۇجاتتارى مەن قابىلداۋشى تاراپتاعى مەديتسينالىق مەكەمەنىڭ ارنايى شاقىرتۋ قاعازىن كورسەتۋى ءتيىس. شەتەلگە شىعۋعا سوندا عانا رۇقسات ەتىلەدى. سونداي-اق قازاقستاندا تۇرۋعا قۇقىلى جانە قازاقستان ازاماتتارىنىڭ وتباسى مۇشەلەرى بولىپ تابىلاتىن شەتەل ازاماتتارىنا دا شەكارادان وتۋگە رۇقسات بار.
- تج رەجيمى الىنعانعا دەيىن حالىققا قىزمەت كورسەتۋ ورتالىقتارىنا بارىپ, پاسپورت الۋ ءۇشىن ۇزىن-سونار كەزەككە تۇرۋدىڭ قاجەتى شامالى. ويتكەنى جەكە ماسەلەلەر, تۋريستىك تۋرلار, ۆاحتالىق ادىسپەن جۇمىسقا اتتانۋ سياقتى بارلىق ساپار شەكتەلگەن. بارلىعىڭىزدان قابىلدانىپ جاتقان قاۋىپسىزدىك شارالارىنا تۇسىنىستىكپەن قاراۋدى سۇرايمىز. كۇردەلى جاعدايدان كۇرمەلمەي شىعۋ ءۇشىن ءبارىمىز ءار قادامدى اقىلمەن ولشەپ, اڭداپ باسۋىمىز كەرەك, - دەدى قايرات دۇتباەۆ.
قازىرگى تاڭدا قوستاناي وبلىسىنىڭ رەسەيمەن شەكارالاس اۋداندارىندا 8 سانيتارلىق-كارانتيندىك پۋنكت قۇرىلعان. بۇل وڭىرلەردە دارىگەرلەر, ەپيدەميولوگتار مەن شەكارا قىزمەتكەرلەرى تاۋلىك بويى جۇمىس ىستەپ جاتىر.
قوستاناي
