مىسالى, قازىر كارتوپ پەن ءسابىزدىڭ كوك بازارداعى قۇنى 100 تەڭگەگە جەتەقابىل بولسا, ارزانداتىلعان جارمەڭكەدەگى باعاسى – 70-75 تەڭگە. فەدوروۆ اۋدانى شىعاراتىن بەس ليترلىك تازارتىلماعان تابيعي سۇيىق ماي - 1 650, جەرگىلىكتى «جاس قاناتتىڭ» جۇمىرتقاسى - 23 تەڭگە. شالعاي اۋدانداردان جەتكىزىلگەن ەت باعاسى دا اجەپتاۋىر ارزان.
جارمەڭكەدە وبلىستىڭ تۇراقتاندىرۋ قورىنان بولىنگەن ارزان ازىق-ت ۇلىك اۆتوسورەلەرىنىڭ الدىندا ۇزىن-سونار كەزەك كۇتكەندەر كوپ بولدى. تاۋار ارزان بولعاندىقتان, ساۋدا كولىكتەرىنىڭ كوبى اينالاسى ءبىر-ءبىر جارىم ساعاتتىڭ ىشىندە بوساپ قالىپ جاتتى.
قاپشىقتاپ قانت, سومكەلەپ ەت, سەتكىلەپ ءسابىز تاسىعان ىعى-جىعى حالىقتىڭ ورتاسىنا وبلىس اكىمى ارنايى كەلىپ, ساۋدا قاتارلارىن ارالاپ, ساتۋشىلارمەن, تۇرعىندارمەن تىلدەسىپ كوردى.
– ناۋرىز مەرەكەسى قارساڭىندا ءبىز وسىمەن 66-شى رەت جارمەڭكە ۇيىمداستىرىپ وتىرمىز. 120 تونناداي ازىق-ت ۇلىك اكەلدىك. ونىڭ 45 تونناسى تۇراقتاندىرۋ قورىنان ءبولىنىپ وتىر. قازىر ءبىز باعانى ءجىتى باقىلاۋدا ۇستاپ وتىرمىز. بارلىق ءىرى ساۋدا ورتالىقتارىندا, كوتەرمە ساۋدا قويمالارىندا ازىق-ت ۇلىك جەتكىلىكتى. وبلىستا قازىر ءبىر جارىم-ەكى ايعا جەتەتىن ازىق-ت ۇلىك بار. ۇن مەن ماكارون ءبىر جىلعا دەيىن جەتەدى. ءبىز وبلىستاعى 70 ديىرمەنگە مونيتورينگ جاساپ, كەلىسسوزدەر جۇرگىزىپ, ولارعا قوسىمشا شيكىزات قورىن قامداۋ تۋرالى تاپسىرما بەردىك. قازىر ديىرمەندەر كورشىلەس وڭىرلەر مەن رەسەيدىڭ شەكارالاس ايماقتارىنان قوسىمشا بيداي ساتىپ الا باستادى. ەڭ باستىسى, وبلىس تۇرعىندارىن الەۋمەتتىك ماڭىزى بار ۇن, ماكارون, ەت, سۇيىق ماي, كوكونىس سياقتى 19 ءتۇرلى ازىق-ت ۇلىكپەن جەتكىلىكتى تۇردە قامتاماسىز ەتىپ وتىرمىز. وبلىستىڭ تۇراقتاندىرۋ قورىندا شامامەن 1 ملرد 300 مىڭ تەڭگە قارجى تۇر. سوندىقتان تۇرعىنداردى ازىق-ت ۇلىكپەن ۇزاق مەرزىمگە ەركىن قامتاماسىز ەتە الامىز, - دەدى ارحيمەد مۇحامبەتوۆ.
قوستاناي
