سونداي-اق بيىل وڭىردە ءتۇرلى سالالاردى تسيفرلاندىرۋ ماقساتىندا 29 جوبانى جۇزەگە اسىرۋ جوسپارلانىپ وتىر. وتكەن جىلى وبلىس كولەمىندە تسيفرلاندىرۋ سالاسى بويىنشا 17 جوبا ىسكە قوسىلعان. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە باسقارما باسشىسى ەلنۇر وتەباەۆ مالىمدەدى. وتكەن جىلى باسقارما تاراپىنان قوسىمشا 33 جاڭا مەملەكەتتىك قىزمەت اۆتوماتتاندىرىلعان. ناتيجەسىندە وبلىستاعى كورسەتىلەتىن مەملەكەتتىك قىزمەتتەردىڭ 91,2%-ى ەلەكتروندى جۇيەگە ەنىپ وتىر.
بيىل جىل سوڭىنا دەيىن 177 اۋىلدىق وكرۋگتە ەلەكتروندىق قۇجات اينالىم جۇيەسى ەنگىزىلمەك.
«وبلىستا وقۋشىلاردىڭ قاۋىپسىزدىگىن قامتاماسىز ەتۋ ءۇشىن «قازاقتەلەكوم» اق ارقىلى تۇركىستان جانە ارىس قالالارىنىڭ 11 مەكتەبىندە بەينەكامەرالار ورناتىلىپ, «قاۋىپسىز مەكتەپ» پيلوتتىق جوباسى جۇزەگە اسىرىلۋدا. ارىس قالاسىندا 6 مەكتەپكە 135 بەينەكامەرا, تۇركىستاندا 6 مەكتەپكە 162-ءسى ورناتىلدى. بۇدان باسقا, وبلىس ورتالىعىنداعى №13 ناۋاي اتىنداعى مەكتەپكە دەمەۋشى ەسەبىنەن ءبىر IT-سىنىپ جانە ءبىر STEM پانەل قويىلدى. تۇركىستان قالاسىنداعى №27 مەكتەپتە تۋرنيكەت ورناتىلىپ, وقۋشىلارعا ارنايى يدەنتيفيكاتسيالىق كارتوچكالار تاراتىلدى. سونداي-اق ە-كىتاپحانا جۇيەسى پيلوتتىق جوبادا ەنگىزىلۋدە» دەدى ەلنۇر راحىمبەردى ۇلى.
باسقارمانىڭ ۇيىمداستىرۋىمەن بيىل تۇركىستان جانە كەنتاۋ قالالارىنىڭ 3-D مودەلدەرى قۇرىلادى جانە اەروفوتوسەمكا جۇمىستارى تولىق اياقتالماق. بۇدان بولەك, قوسىمشا سالىق تۇسىمدەرىن ارتتىرۋ ماقساتىندا, تسيفرلاندىرۋ قۇرىلعىلارىنىڭ كومەگىمەن ارنايى الگوريتم دايىندالعان.
تۇركىستان وبلىسى
