«مەملەكەت باسشىسى ەلىمىزدە كوروناۆيرۋستىڭ تارالۋىنا جول بەرمەۋگە بايلانىستى ناۋرىز مەرەكەسىنە ارنالعان قوعامدىق شارالاردى جانە ەلوردادا جەڭىستىڭ 75 جىلدىعىنا ارنالعان اسكەري پارادتى وتكىزبەۋ تۋرالى شەشىم قابىلدادى. سونىمەن قاتار بۇعان دەيىن جوسپارلانعان حالىقارالىق فورۋمداردى كەيىنگە شەگەرۋدى تاپسىردى. دەگەنمەن شاعىن جانە ورتا بيزنەس جۇمىسىن جالعاستىرا بەرۋى ءتيىس. قاسىم-جومارت كەمەل ۇلى شەكتەۋ شارالارى ولاردىڭ جۇمىسىنا كەدەرگى كەلتىرمەۋى كەرەك ەكەنىن اتاپ ايتتى. ءىرى كاسىپورىندار دا ۇزدىكسىز جۇمىس ىستەي بەرەدى. وزدەرىڭىزگە بەلگىلى, بۇگىن پرەزيدەنت كوروناۆيرۋس پاندەمياسىنا قارسى كۇرەس ماسەلەسى جونىندە بىرقاتار مەملەكەتتىك ورگان باسشىلارىمەن شۇعىل كەڭەس وتكىزدى. جاعداي مەملەكەت باسشىسىنىڭ ۇدايى باقىلاۋىندا», - دەلىنگەن حابارلامادا.
