2013 جىلعى 10 شىلدە, استانا, ۇكىمەت ءۇيى
ەلەكتر ەنەرگياسىن پايدالانۋ قاعيدالارىن بەكiتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 18) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ەلەكتر ەنەرگياسىن پايدالانۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى №713 قاۋلىسىمەن بەكىتىلگەن
ەلەكتر ەنەرگياسىن پايدالانۋ قاعيدالارى
1. جالپى ەرەجەلەر
1. وسى ەلەكتر ەنەرگياسىن پايدالانۋ قاعيدالارى (بۇدان ءارى – قاعيدالار) «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 18) تارماقشاسىنا سايكەس ازىرلەندى جانە ەلەكتر ەنەرگياسىن پايدالانۋ ءتارتىبىن ايقىندايدى.
2. وسى قاعيدالاردا پايدالانىلاتىن نەگىزگى ۇعىمدار مەن انىقتامالار:
1) بالانستىق تيەسىلىك – ەنەرگيا ءوندىرۋشى, ەنەرگيا بەرۋشى ۇيىمدارعا جانە تۇتىنۋشىعا مەنشىك قۇقىعىندا نەمەسە وزگە دە زاڭدى نەگىزدە تيەسىلى ەلەكتر جەلىسىنىڭ ۋچاسكەسى;
2) بالانستىق تيەسىلىك شەكاراسى – ونىڭ بالانستىق تيەسىلىگىنە سايكەس ەنەرگيا ءوندىرۋشى, ەنەرگيا بەرۋشى ۇيىمدار مەن تۇتىنۋشى اراسىنداعى ەلەكتر جەلىسىنىڭ ءبولىنۋ نۇكتەسى (سىزىعى);
3) تاراپتاردىڭ پايدالانۋ جاۋاپكەرشىلىگىنىڭ شەكاراسى – ەنەرگيا ءوندىرۋشى, ەنەرگيا بەرۋشى ۇيىمدار مەن تۇتىنۋشىلار اراسىنداعى تاراپتاردىڭ پايدانالۋ جاۋاپكەرشىلىگىن ايقىندايتىن ەلەكتر جەلىسىنىڭ ءبولىنۋ نۇكتەسى (سىزىعى);
4) ەلەكترمەن جابدىقتاۋ شارتى – وعان سايكەس ەنەرگيامەن جابدىقتاۋشى ۇيىم تۇتىنۋشىعا قوسىلعان ەلەكتر جەلىسى ارقىلى ەنەرگيا بەرۋگە مىندەتتەنەتىن, ال تۇتىنۋشى قابىلدانعان ەلەكتر ەنەرگياسىن تولەۋگە, سونداي-اق ونى تۇتىنۋدىڭ شارتپەن كوزدەلگەن رەجيمىن ساقتاۋعا, ونىڭ قاراماعىنداعى ەلەكترلىك جەلىلەردى پايدالانۋ قاۋىپسىزدىگى مەن ولار پايدالاناتىن اسپاپتار مەن ەلەكتر ەنەرگياسىن تۇتىنۋمەن بايلانىستى جابدىقتاردىڭ دۇرىستىعىن قامتاماسىز ەتۋگە مىندەتتەنەتىن كەلىسىم;
5) شارتتىق قۋات – تۇتىنۋشىنىڭ ەنەرگيامەن جابدىقتاۋشى ۇيىممەن كەلىسىلگەن ءبىر ساعات ىشىندە پايدالاناتىن ەلەكتر ەنەرگياسىنىڭ ورتاشا مولشەرى;
6) تولەم قۇجاتى – ونىڭ نەگىزىندە تۇتىنۋشى تولەم جۇرگىزەتىن قۇجات (ەسەپ, حابارلاندىرۋ, تۇبىرتەك, ەسەپ-ەسكەرتۋ);
7) پلومبالاۋ – ەلەكتر تەحنيكالىق جابدىعىنا رۇقساتسىز تۇسۋىنە بوگەت جاسايتىن جانە ەگەر دە وسىنداي قۇرىلعىنى رۇقساتسىز اشۋ بولعان جاعدايدا ارالاسۋ فاكتىسىن كوزبەن شولۋعا مۇمكىندىك بەرەتىن ءبىر رەت قولدانىلاتىن مەحانيكالىق قۇرال قوندىرعىسى;
8) تۇتىنۋشى – شارت نەگىزىندە ەلەكتر ەنەرگياسىن تۇتىناتىن جەكە نەمەسە زاڭدى تۇلعا;
9) كوممەرتسيالىق ەسەپكە الۋ اسپابى – قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن كولدانۋعا رۇقسات ەتىلگەن ەلەكتر ەنەرگياسىن كوممەرتسيالىق ەسەپكە الۋعا ارنالعان تەحنيكالىق قۇرىلعى;
10) كوممەرتسيالىق ەسەپكە الۋ سحەماسىن قابىلداۋ – كوممەرتسيالىق ەسەپكە الۋ اسپابىن قوسۋ سحەماسىن تەكسەرۋ جانە پلومبالاۋ;
11) ەلەكتر ەنەرگياسىن قابىلداعىش (ەلەكتر قابىلداعىش) – ەلەكتر ەنەرگياسىن ەنەرگيانىڭ باسقا تۇرىنە وزگەرتۋگە ارنالعان اپپارات, اگرەگات, مەحانيزم;
12) تۇتىنۋشىنىڭ ەلەكتر قوندىرعىلارىنىڭ قوسىلعان قۋاتى – ەلەكتر جەلىسىنە قوسىلعان تۇتىنۋشىنىڭ ەلەكتر قابىلداعىشتارىنىڭ جالپى قۋاتى;
13) كوممەرتسيالىق ەسەپكە الۋ سحەماسىن تەكسەرۋ – كورپۋستىڭ پلومبالارىنىڭ, بەكىتپەلەرىنىڭ, وپىرىلىپ قالۋلارىنىڭ جانە ولشەۋ اسپاپتارىن پايدالانۋمەن كوممەرتسيالىق ەسەپكە الۋ اسپاپتارىن قوسۋ سحەماسىن كوزبەن شولىپ قاراۋ;
14) ەسەپتىك كەزەڭ – تۇتىنىلعان ەلەكتر ەنەرگياسى ەسەپكە الىنۋى جانە تۇتىنۋشىعا تولەۋ ءۇشىن ۇسىنىلۋعا ءتيىس ەلەكترمەن جابدىقتاۋ شارتىمەن ايقىندالاتىن ۋاقىت كەزەڭى;
15) قوسالقى تۇتىنۋشى – تۇتىنۋشىنىڭ ەلەكتر جەلىلەرىنە تىكەلەي قوسىلعان تۇتىنۋشى;
16) ەلەكتر ەنەرگياسى نارىعىنىڭ سۋبەكتىلەرى – ەنەرگيا ءوندىرۋشى, ەنەرگيا بەرۋشى, ەنەرگيا جابدىقتاۋشى ۇيىمدار, ەلەكتر ەنەرگياسىن تۇتىنۋشىلار, جۇيەلىك وپەراتور, ەلەكتر ەنەرگياسىنىڭ ورتالىقتاندىرىلعان ساۋدا وپەراتورى;
17) كوممەرتسيالىق ەسەپكە الۋ اسپابىنىڭ قوسىلۋ سحەماسى – بەرىلگەن جانە تۇتىنىلعان ەلەكتر ەنەرگياسىن ولارعا ەسەپ ايىرىسۋلار ءۇشىن ەسەپكە الۋدى قامتاماسىز ەتەتىن قوسىلعان ەلەكتر ەنەرگياسىن ەسەپكە الۋ اسپابىنىڭ ەلەكتر جەلىسىنە بەلگىلى ءبىر ەلەكتر قوسىلۋى;
18) تەحنولوگيالىق برون – تەحنولوگيالىق پروتسەستەردى اياقتاۋ ءۇشىن تۇتىنۋشىعا قاجەتتى ەلەكتر ەنەرگياسىنىڭ قۋاتى مەن كولەمى;
19) تەحنيكالىق شارتتار – ەلەكتر جەلىلەرىنە قوسىلۋ ءۇشىن قاجەتتى تەحنيكالىق تالاپتار;
20) قوسىلۋ نۇكتەسى – قولدانىستاعى ەلەكتر
