شاراعا نۇر-سۇلتان, قاراعاندى, كوكشەتاۋ, پاۆلودار, پەتروپاۆل قالالارىنداعى اۋىلشارۋاشىلىق تەحنيكالارىن ساتۋمەن اينالىساتىن دەلدال كومپانيالارمەن قاتار, رەسەيدىڭ تەحنيكا شىعاراتىن كاسىپورىندارىنان وكىلدەر كەلدى. ءار كومپانيا كوپشىلىككە وزدەرىنىڭ ەڭ سوڭعى ۇلگىدەگى زاماناۋي تەحنيكالارىن تانىستىرىپ, ارتىق تۇستارىن ءتۇسىندىرىپ باقتى.
– ءبىز قوستانايدا وتەتىن كورمەگە ءبىرىنشى رەت قاتىسىپ وتىرعان جوقپىز. بيىل RSM 2375 تراكتورىن اكەلدىك. كوكشەتاۋدا قۇراستىرىلعان. بۇل تەحنيكادا مىڭ اتتىڭ كۇشى بار. باگىنە 927 ليتر جانارماي سىيىپ كەتەدى, - دەيدى «روستەلماش» كومپانياسىنىڭ مەنەجدەرى اسقار مولداعاليەۆ.
وبلىستىق اۋىل شارۋاشىلىعى باسقارماسى باسشىسىنىڭ ورىنباسارى تولەۋتاي ەرجانوۆ «اگروقوستاناي-2020» اتاۋىمەن ءوتىپ جاتقان بۇل كورمەنىڭ وڭىردەگى تاۋار وندىرۋشىلەر ءۇشىن ماڭىزى زور ەكەنىن اتاپ ءوتتى.
– بۇگىن ونداعان كاسىپورىن اۋىل شارۋاشىلىعى سالاسىنداعى جەتىستىكتەرىمەن ءبولىسىپ وتىر. بۇل – ەگىنمەن, مال شارۋاشىلىعىمەن اينالىساتىن قوستانايلىقتار ءۇشىن وراسان مۇمكىندىك, - دەدى ول.
قوستاناي
