2013 جىلعى 21 ماۋسىم, استانا, ۇكىمەت ءۇيى
تەحنيكالىق جاراقتاندىرۋدان كەيىن ەلەكتر ستانتسيالارىنىڭ, ەلەكتر جانە جىلۋ جەلىلەرىنىڭ ەنەرگيا وبەكتىلەرىن پايدالانۋعا قابىلداپ الۋ قاعيدالارىن بەكىتۋ تۋرالى
«ەلەكتر ەنەرگەتيكاسى تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 4-بابىنىڭ 30) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان تەحنيكالىق جاراقتاندىرۋدان كەيىن ەلەكتر ستانتسيالارىنىڭ, ەلەكتر جانە جىلۋ جەلىلەرىنىڭ ەنەرگيا وبەكتىلەرىن پايدالانۋعا قابىلداپ الۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 21 ماۋسىمداعى №642 قاۋلىسىمەن بەكىتىلگەن
تەحنيكالىق جاراقتاندىرۋدان كەيىن ەلەكتر ستانتسيالارىنىڭ, ەلەكتر جانە جىلۋ جەلىلەرىنىڭ ەنەرگيا وبەكتىلەرىن پايدالانۋعا قابىلداپ الۋ قاعيدالارى
1. جالپى ەرەجەلەر
1. وسى تەحنيكالىق جاراقتاندىرۋدان كەيىن ەلەكتر ستانتسيالارىنىڭ, ەلەكتر جانە جىلۋ جەلىلەرىنىڭ ەنەرگيا وبەكتىلەرىن پايدالانۋعا قابىلداپ الۋ قاعيدالارى (بۇدان ءارى – قاعيدالار) «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 30) تارماقشاسىنا سايكەس ازىرلەندى جانە تەحنيكالىق جاراقتاندىرۋدان كەيىن ەلەكتر ستانتسيالارىنىڭ, ەلەكتر جانە جىلۋ جەلىلەرىنىڭ ەنەرگيا وبەكتىلەرىن پايدالانۋعا قابىلداپ الۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار قولدانىلادى:
1) جەتكىزۋشى – ەنەرگيا وبەكتىسىن جانە (نەمەسە) ونىڭ قۇرىلىمدىق بولىگىن مونتاجداۋ, ىسكە قوسۋ جانە پايدالانۋ ءتارتىبى تۋرالى اقپاراتقا يە ەنەرگيا وبەكتىسىن جانە (نەمەسە) ونىڭ قۇرىلىمدىق بولىگىن ءوندىرۋشى نەمەسە جەتكىزۋشى;
2) جوبالاۋشى – تەحنيكالىق جاراقتاندىرۋ جوباسىن ازىرلەگەن تۇلعا;
3) جاسىرىن جۇمىستاردى كۋالاندىرۋ اكتىسى – تەحنيكالىق جاراقتاندىرۋ بويىنشا بارلىق جۇمىستار كەشەنى اياقتالعاننان كەيىن ورىندالعانىن ناقتىلى تەكسەرۋگە بولمايتىن جۇمىستاردىڭ كۋالاندىرىلعانىن راستايتىن قۇجات;
4) قابىلداۋ كوميسسياسى – ەنەرگيا وبەكتىسىنىڭ ازىرلىگىن بەلگىلەيتىن جانە قۇجاتتامالىق راستايتىن جانە ەنەرگيا وبەكتىسىن پايدالانۋعا قابىلدايتىن ۋاقىتشا القالى ورگان;
5) مەردىگەر – تاپسىرىس بەرۋشىمەن جاسالعان مامىلە نەگىزىندە تەحنيكالىق جاراقتاندىرۋ بويىنشا جۇمىستاردى جۇزەگە اسىراتىن تۇلعا;
6) تەحنيكالىق جاراقتاندىرۋ – جۇمىس ىستەپ تۇرعان ەلەكتر ستانتسيالارىن, ەلەكتر جانە جىلۋ جەلىلەرىن ەنەرگيا وبەكتىلەرىمەن جاراقتاندىرۋ نە جۇمىس ىستەپ تۇرعان ەلەكتر ستانتسيالارىنىڭ, ەلەكتر جانە جىلۋ جەلىلەرىنىڭ ەنەرگيا وبەكتىلەرىن اۋىستىرۋ;
7) تاپسىرىس بەرۋشى – ەلەكتر ستانتسيالارىن, ەلەكتر جانە جىلۋ جەلىلەرىن پايدالاناتىن تۇلعا;
8) ەنەرگەتيكالىق وبەكت (ەنەرگيا وبەكتىسى) – ەلەكتر ەنەرگياسىن وندىرەتىن, بەرەتىن جانە (نەمەسە) تۇتىناتىن وبەكت.
3. وسى قاعيدالاردا پايدالانىلاتىن باسقا ۇعىمدار «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭىندا ايقىندالعان ۇعىمدارعا سايكەس قولدانىلادى.
4. وسى قاعيدالار «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسىنىڭ زاڭىنا سايكەس پايدالانۋعا قابىلدانعان ەنەرگيا وبەكتىلەرىنە قولدانىلمايدى.
2. قابىلداۋ كوميسسياسىن قالىپتاستىرۋ ءتارتىبى, ونىڭ قۇرامى جانە وكىلەتتىكتەرى
5. تەحنيكالىق جاراقتاندىرۋدان كەيىن ەنەرگيا وبەكتىسىن پايدالانۋعا قابىلداپ الۋدى قابىلداۋ كوميسسياسى جۇزەگە اسىرادى.
6. ءبىر قابىلداۋ كوميسسياسىنا ءوزارا تەحنيكالىق بايلانىستى جانە ءبىر وبلىستا, رەسپۋبليكالىق ماڭىزى بار قالادا نەمەسە استانادا ورنالاسقان بىرنەشە ەنەرگيا وبەكتىلەرىن قابىلداۋعا جول بەرىلەدى.
7. قابىلداۋ كوميسسياسىنا مىندەتتى تۇردە تاپسىرىس بەرۋشىنىڭ, مەردىگەردىڭ, جوبالاۋشىنىڭ, تەحنيكالىق قاداعالاۋدى جۇزەگە اسىراتىن تۇلعانىڭ (بولعان كەزدە), ەنەرگيا وبەكتىسىنىڭ ورنالاسقان جەرى بويىنشا وبلىستىڭ, رەسپۋبليكالىق ماڭىزى بار قالانىڭ نەمەسە استانانىڭ جەرگىلىكتى اتقارۋشى ورگانىنىڭ, مەملەكەتتىك ەنەرگەتيكالىق باقىلاۋ جونىندەگى مەملەكەتتىك ورگاننىڭ, ورتكە قارسى مەملەكەتتىك قىزمەتتىڭ, مەملەكەتتىك سانيتاريالىق-ەپيدەميولوگيالىق قىزمەتتىڭ وكىلدەرى كىرەدى.
8. قابىلداۋ كوميسسياسىنىڭ قۇرامىنا قوسىمشا مىنالار كىرەدى:
1) ولاردىڭ مىندەتتەمەلەرى نەمەسە قابىلداۋ كوميسسياسىنىڭ جۇمىسىنا قاتىسۋعا كەلىسىمى بولعان جاعدايدا جەتكىزۋشىلەردىڭ وكىلدەرى;
2) ەلەكتر ەنەرگياسى كوتەرمە ساۋدا نارىعى سۋبەكتىلەرىنىڭ ەنەرگيا وبەكتىلەرىن پايدالانۋعا قابىلداپ الۋ كەزىندە جۇيەلىك وپەراتوردىڭ وكىلى;
3) وسى تارماقتىڭ 2)
