2013 جىلعى 19 ناۋرىز, استانا, ۇكىمەت ءۇيى
«اۆتوموبيل كولiگiمەن قاۋiپتi جۇكتەردى تاسىمالداۋ جونiندەگi كەيبىر ماسەلەلەر تۋرالى» قازاقستان رەسپۋبليكاسى ۇكiمەتiنiڭ 2004 جىلعى 12 ناۋرىزداعى № 316 قاۋلىسىنا وزگەرىستەر ەنگىزۋ جانە «قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اۆتوموبيل كولىگى سالاسىنداعى مەملەكەتتىك قىزمەت ستاندارتتارىن بەكىتۋ جانە «جەكە جانە زاڭدى تۇلعالارعا كورسەتىلەتىن مەملەكەتتىك قىزمەتتەردىڭ ءتىزىلىمىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 20 شىلدەدەگى № 745 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 27 شىلدەدەگى № 979 قاۋلىسىنىڭ كۇشى جويىلدى دەپ تانۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اۆتوموبيل كولiگiمەن قاۋiپتi جۇكتەردى تاسىمالداۋ جونiندەگi كەيبىر ماسەلەلەر تۋرالى» قازاقستان رەسپۋبليكاسى ۇكiمەتiنiڭ 2004 جىلعى 12 ناۋرىزداعى №316 قاۋلىسىنا (قازاقستان رەسپۋبليكاسىنىڭ ءپۇاج-ى, 2004 ج., №14, 176-قۇجات) مىناداي وزگەرىستەر ەنگىزىلسىن:
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان اۆتوموبيل كولىگىمەن قاۋىپتى جۇكتەردى تاسىمالداۋ قاعيدالارى بەكiتiلسiن.»;
كورسەتىلگەن قاۋلىمەن بەكىتىلگەن اۆتوكولىك قۇرالدارىمەن قاۋiپتi جۇكتەردى تاسىمالداۋ, ولاردىڭ قازاقستان رەسپۋبليكاسىنىڭ اۋماعى بويىنشا ءجۇرىپ ءوتۋ ەرەجەسى جانە قاۋiپتi جۇكتەردى تاسىمالدايتىن جۇرگiزۋشiلەر مەن اۆتوكولىك قۇرالدارىنا قويىلاتىن بiلiكتiلiك تالاپتارى وسى قاۋلىنىڭ قوسىمشاسىنا سايكەس جاڭا رەداكتسيادا جازىلسىن.
2. «قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ اۆتوموبيل كولىگى سالاسىنداعى مەملەكەتتىك قىزمەت ستاندارتتارىن بەكىتۋ جانە «جەكە جانە زاڭدى تۇلعالارعا كورسەتىلەتىن مەملەكەتتىك قىزمەتتەردىڭ ءتىزىلىمىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 20 شىلدەدەگى № 745 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 27 شىلدەدەگى №979 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2012 ج., №64, 891-قۇجات) كۇشى جويىلدى دەپ تانىلسىن.
3. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 19 ناۋرىزداعى №259 قاۋلىسىنا قوسىمشا
قازاقستان رەسپۋبليكاسى ۇكiمەتiنiڭ 2004 جىلعى 12 ناۋرىزداعى №316 قاۋلىسىمەن بەكiتiلگەن
اۆتوموبيل كولىگىمەن قاۋىپتى جۇكتەردى تاسىمالداۋ قاعيدالارى
1. جالپى ەرەجەلەر
1. وسى اۆتوموبيل كولىگىمەن قاۋىپتى جۇكتەردى تاسىمالداۋ قاعيدالارى (بۇدان ءارi – قاعيدالار) «اۆتوموبيل كولiگi تۋرالى» 2003 جىلعى 4 شiلدەدەگi, «اۆتوموبيل جولدارى تۋرالى» 2001 جىلعى 17 شiلدەدەگi قازاقستان رەسپۋبليكاسىنىڭ زاڭدارىنا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس ازىرلەندى.
2. قاعيدالار قاۋiپتi جۇكتەردi قازاقستان رەسپۋبليكاسىنىڭ اۋماعى ارقىلى تاسىمالداۋعا بايلانىستى زاڭدى جانە جەكە تۇلعالارعا قولدانىلادى.
قاۋiپتi جۇكتەردi اۆتوكولiك قۇرالدارىمەن حالىقارالىق تاسىمالداۋ قازاقستان رەسپۋبليكاسىنىڭ حالىقارالىق شارتتارىنىڭ تالاپتارىنا سايكەس جۇزەگە اسىرىلادى.
3. تاسىمالداۋ, تيەۋ-ءتۇسiرۋ جۇمىستارىن جۇرگiزۋ جانە ساقتاۋ كەزiندە ولارعا ءتان ەرەكشەلىكتەرگە بايلانىستى تەحنيكالىق قۇرالداردىڭ, قۇرىلعىلاردىڭ, عيماراتتار مەن قۇرىلىستاردىڭ جارىلۋىنا, ورتەنۋىنە نەمەسە بۇلiنۋiنە, سونداي-اق ادامداردىڭ, جانۋارلاردىڭ ءولiم-جiتiمiنە, جاراقات الۋىنا جانە اۋرۋىنا سەبەپ بولۋى, قورشاعان تابيعي ورتاعا زيان كەلتiرۋi مۇمكiن كەز كەلگەن زاتتار, ماتەريالدار, بۇيىمدار, وندiرiستىك جانە وزگە دە قىزمەت قالدىقتارى قاۋiپتi جۇكتەر دەپ تانىلادى.
4. قاۋiپتi جۇكتەردi تاسىمالداۋ كەزiندە «قاۋىپتى جۇكتەر. سىنىپتاۋ جانە تاڭبالاۋ» 19433-88 مەمست جانە قاۋىپتى جۇكتەردى حالىقارالىق جولداردا تاسىمالداۋ تۋرالى ەۋروپالىق كەلىسىمنىڭ (قجحجت) قولدانىستاعى ستاندارتتارىنا سايكەس قاۋiپتi جۇكتەردiڭ سىنىپتاماسى قولدانىلادى.
2. قاۋiپتi جۇكتەردى اۆتوكولiك قۇرالدارىمەن تاسىمالداۋدى ۇيىمداستىرۋ
5. قاۋiپتi جۇكتەردi قازاقستان رەسپۋبليكاسىنىڭ اۋماعى ارقىلى تاسىمالداۋدى جۇزەگە اسىراتىن كولiك قۇرالدارىنىڭ جۇرگiزۋشiلەرi جانە قاۋiپتi جۇكتەردi تاسىمالداۋ ءۇشiن پايدالانىلاتىن اۆتوكولiك قۇرالدارى وسى قاعيدالاردىڭ 4 جانە 5-تاراۋلارىندا جازىلعان بەلگىلى ءبىر تالاپتارعا سايكەس كەلەدى.
6. قاۋiپتi جۇكتەر مامانداندىرىلعان اۆتوكولiك قۇرالدارىمەن نەمەسە وسى ماقساتقا بەيiمدەلگەن باسقا كولiك قۇرالدارىمەن تاسىمالدانادى.
7. وسى قاۋلىمەن بەكىتىلگەن قاۋىپتى جۇكتەر تىزبەسىنە (بۇدان ءارى – قاۋىپتى جۇكتەر تىزبەسى) سايكەس 1, 6 جانە 7-سىنىپتى قاۋىپتى جۇكتەردى تاسىمالداۋ كەزىندە قاۋىپتى جۇكتەردى تاسىمالداۋدى جۇزەگە اسىراتىن كولىك قۇرالىنىڭ اۆتوموبيل جولدارىمەن جۇرۋىنە ارنايى رۇقساتت
